|
Þverártindsegg
Hvítasunnuhelgina 25. - 27. maí - sem jafnframt var 5 ára afmælishelgi fjallgönguklúbbsins - héldu rúmlega 30 Toppfarar austur í suðursveit og gistu að bænum Króki í boði Sæmundar Elíassonar ... og gengu á eina fegurstu fjallstinda landsins undir leiðsögn Arctic Adventures/Jöklamanna sem Jón norðan-Heiðar Rúnarsson stjórnaði en í þetta sinn vorum við samferða fjallgönguklúbbnum Fjallhress sem Wildboys halda úti austur á fjörðum...Veðrið var með besta móti, heitar en nokkru sinni á jökli í sögu klúbbsins þar sem hann mældist 21° á tímabili enda rann svitinn stríðar en áður og menn sólbrunnu svo vel mátti merkja för eftir hjálma, buff og gps á skinni félagsmanna ;-)
Með í för var
afmæliskakan...
merkt hópmyndinni af
Hrútsfjallstindum frá því í maí í fyrra...
Kakan var fjórði farþeginn í bílnum... vel pökkuð innan um farangurinn og hjálmarnir hengdir á höfuðpúðann ofan við hana... Það segir ýmislegt um veðrið þessa helgi að til landsins kom hitabylgja sem ógnaði endingartíma kökunnar í heitum bílnum á leiðinni...
Menn komu
sér austur á ýmsum tímum, sumir snemma, aðrir seint eftir
því sem hentaði
Nokkrir
komnir í hús að Króki... bæ í eigu fjölskyldu Sæmundar þar sem átta
manns gátu gist innandyra og aðrir úti á tjaldstæði
Kúrekarnir að tjalda fellihýsinu hans Kjartans í veðurblíðunni á föstudagskvöldið...
Það var notalegt á tjaldstæðinu eftir því sem leið á kveldið...
Blíðskaparveður og allir í gírnum fyrir göngu um einn fegursta fjallasal landsins...
Ræs klukkan 01:45 - 02:00 eða svo... brottför kl. 2:45 frá tjaldstæði og stefnumót við leiðsögumenn og Fjallhress kl. 3:00 við afleggjarann af þjóðvegi eitt inn Kálfafellsdal sem er eingöngu fær jeppum og góðum bílstjórum inn áraurar bæði þurrar og blautar... allir mættir á réttum tíma nema Toppfararnir að bíl Jóhannesar með þjálfara innanborðs undanskildum... ekki til fyrirmyndar og má ekki gerast aftur...
Jóhannes er aðal-bílstjóri Toppfara... hann fór í loftköstum á sínum 38 tommum inn eftir dalnum... fer orðið nánast ekkert í jeppaferðir þar sem hann er alltaf í fjallgöngum... og naut þess því að halda færninni við þegar þessi fáu tækifæri gefast... skildi allan bílaflotann eftir í rykinu...
... sem gerði það að verkum að fyrsti bíll var í engu kunnugt um það sem gerðist á miðri leið....einn bílanna frá Fjallhress festist út í miðri ár svo draga þurfti hann upp... Anton sem allt getur var ekki lengi að vaða út í ánna á vöðlunum sínum og þræða kaðal við bílinn til að draga hann...
...með allan fjöldann á bakkanum að fylgjast með en á þessum tímapunki sameinuðust menn í stærri bíla og skildu allavega einn eftir...
Loks skiluðu allir
sér inn Kálfafellsdalinn og síðasta krókinn inn eftir að upphafsstað
göngunnar...
Tveir undanfarar
lögðu af stað á undan...
Við vorum hvorki meira né minna en 29 Toppfarar, 20 Fjallhress og átta leiðsögumenn eða alls 67 manns... en það hefur aldrei gerst í sögu Toppfara enda ekki farið áður með öðrum á fjöll nema jú þegar ÍFLM setti okkur með stórum leiðangri á Hnúkinn þarna um árið ;-)
Jón Heiðar Rúnarsson var yfirleiðsögumaður dagsins... fjallamaður, björgunarsveitarmaður og skíðamaður á Akureyri... með glettnina og léttleikann að leiðarljósi... alveg í stíl við æringjana í Toppförum sem heilluðust upp úr skónum af þessum stjórnanda dagsins ;-)
Veðrið með fínasta móti... morgunroðinn kominn á skýin og við vorum til í allt...
Gangan hófst kl. 4:54 að morgni hvítasunnu-laugardagsins 26. maí...
Menn fljótlega komnir úr mestu fötunum enda á brattann að sækja frá fyrsta skrefi...
Myljandi
grjótbrekkur á fyrsta hluta leiðarinnar
Allir enda með hjálma og vanir að gæta sín en Sæmundur vakti athygli á því eftir ferðina að það voru fyrst og fremst stafirnir en ekki fæturnir sem voru að koma grjóti af stað... umhugsunarvert fyrir okkur almennt... að gæta að stöfunum þegar við förum um grjóthrunsbrekkur, ekki nóg að stíga varlega til jarðar...
Mögnuð uppgönguleið
og vel fær öllum sem á annað borð standa í
klöngri allt árið um kring
Skýin skriðu inn dalinn og fyrstu sólargeislar dagsins féllu á þau á kafla...
Fátt jafnast á við dagrenningu beint í æð á fjöllum...
Þetta gekk mjög vel í sterkum og samstilltum hópi þar sem enginn var í vandræðum og menn fylgdu vel á eftir...
Sjá út eftir að Kálfafellsdal þar sem bílarnir komu um morguninn inn eftir...
Sjá bílana fyrir neðan og Kálfafellsfjöll í baksýn orðin skýlaus...
Hvert skref var öðru ævintýralegra inn í töfraheim sem opnaðist betur eftir því sem ofar dró...
Skuggar göngumanna að falla á bergið í röðum...
Við vorum komin í sólargeislana sem risu hægt og hljótt með hverri sekúndu...
Ofar var mesta
klöngrið
á þessum kafla framundan og leiðsögumenn undurbjuggu það vel með
tryggingum, línum
Snæfell sunnan Vatnajökuls að koma í ljós... snjólaus eins og dökk stríta upp úr berg-sleginni rjómatertunni...
Eggin kom sífellt betur og betur í ljós undan skýjunum...
Þetta gekk vel um tæpistiguna með varðmenn á hverjum pósti...
... en svo var
farið niður gil eitt sem var snjólegið alla leið upp
Litið til baka þar sem menn fóru tæpistiguna með aðstoð leiðsögumanna...
Fínasti skafl og við máttum varla ganga fyrir mali... ;-)
Frábær leið að fara
þarna um en annars hafa menn einnig farið upp þessa
strítu á klöngri
eða í hliðarhalla
Við fylgdumst með norðanmönnum fara upp á undan okkur... fjórir menn á ferð - sjá þá ganga í snjóbrekkunni neðarlega á miðri mynd... Haraldur
Sigurðarson (www.naturalis.is)
og félagar í Súlum - björgunarsveitinni á Akureyri (www.sulur.is)
á ferð...
Við vorum komin í snjó þegar upp úr gilinu var komið... sléttum og úfnum... hörðum og mjúkum... blautum og þurrum...
Þarna höfðu fallið snjóflóð og yfirferðin líktist því að fara yfir úfið hraun á köflum...
Fjallasalurinn tók að opnast og við vorum hugfangin af staðnum...
Það voru greinilega engar ofsögur sagðar af þessum stað... hann var flottari en allar myndir sýna...
Landslagið var fremur framandi... minnti á evrópsku alpana fyrir þá sem þangað hafa komið...
Útsýnið til norðausturs að Snæfelli vinstra megin hálfpartinn í skýjunum og Karli og Kerlingu hægra megin við miðja mynd...
Karl og Kerling eru klettadrangar í Kálfafellsfjöllum... sagan segir að Kerlingin hafi eitt sinn verið hærri Karli...
Við tók hliðarhallinn inn undir Eggina sem mörgum fannst erfiðasti hluti leiðarinnar á meðan aðrir tóku hann létt..
Færið með góðu móti svo hægt var að spora alla leið en þó hált og hart á köflum... Sumir hefðu viljað vera í broddum
og þarna kom enn einn tímapunkturinn í síðustu jöklagöngum
Komin yfir mesta hallann og í góð spor hér síðasta hlutann...
Eftir hliðarhallann var fyrsta nestispása dagsins... í sól og hita undir Egginni....
Við vorum í hátíðarskapi rétt si svona í morgunsárið kringum sjöleytið... hvar annars staðar en á fjöllum ;-)
Ekki slæmur veitingastaður þetta...
Allir að skila sér inn...
... í morgunskugganum...
Eftir nestispásuna tóku línurnar við...
Menn röðuðu sér í átta manna hópa og vildu eðlilega helst vera með sínum fjallgönguhópi ;-)
Framundan var Eggin... köld... ógnvekjandi... freistandi...
... á ægifagurri leið þar sem maður missti algert tímaskyn og skildi ekkert í því að klukkan væri rétt um átta um morguninn...
...með alla þessa skínandi sól hátt á lofti og við lengst uppi í fjöllum... í miðjum himninum... ofan við borg og bý...
Við fórum inn í annan heim þar sem önnur lögmál giltu eins og gjarnan á fjöllum með eitthvurt skap...
Þetta var of lygilegt til að vera satt...
Magnað alpakennt landslag sem skilur eftir sig ljóslifandi minningar sem aldrei fölna...
Grátt yfir snjónum... aska frá Eyjafjallajökli hlaut það að vera...
Við höfðum verið í
sól hingað til en nú tóku skýjabólstrar að skríða inn Kálfafellsdal
og fylla hann dúnmúkum bólsturskoddum...
Við þveruðum skriðjökulinn Skrekk með því að fara samsíða sprungulaginu, gengum þversum á línunum yfir... annar hver maður hægra megin og annan hver maður vinstra megin... þannig dytti annar hver maður ofan í sprungu ef hún opnaðist og hinir myndu þá halda...
Við heyrðum niðinn í vatninu renna niður Eggina... sjá litlu fossana í snjóslegnum klettunum... og öðru hvoru hrundi snjórinn í drunum niður... fyrir utan drunurnar ógurlega sem glumdu í fjallasalnum reglulega þennan dag... snjóflóð að falla í öðrum dölum í kringum okkur...
Ágústa, Toppfari, Gestur leiðsögumaður og tvö eldhress frá Fjallhress... alveg í stíl við Eggina...
Fyrsta alvöru brekkan í upp snjó og línum...
Við biðum
talsvert á þessum kafla meðan Jón norðan Heiðar mat
snjóflóðahættu
Það var brjálað stuð í línunum... ...og kátínan lak í stríðari straumum af göngumönnunum en svitinn og þá var nú mikið sagt í þessum hita ...
Örn og Hugrún að taka fram úr Hláturlínunni í brekkunni...
Sem mátti varla vera að þessu fyrir hlátrasköllum...
Þetta vannst betur svona og við komumst öll upp á endanum...
Færið skínandi gott... betra en að fara þarna um í glerhörðu færi á jöklabroddum...
Fölskvalaus gleðin var ríkjandi í þessari ferð...
Þetta var
veisla
leiðangursmanna sem æft hafa vel vikum, mánuðum, jafnvel árum saman
Við tók löng brekka upp að sprunguhaftinu ef svo má segja um sprungnu brekkurnar sem biðu ofar...
Og skýjaslæðan gældi við síðustu menn...
En sleppti fljótt takinu enda vorum við komin það ofarlega að sólin réð ríkjum þar með...
Hæstu tindar Kálfafellsfjalla risu upp úr skýja-djúpinu...
... "We are free... We´re all alone in our universe"...
Snjórinn lagskiptur og jökullinn sprunginn hér og þar í stöðugu falli niður dalinn...
Það var auðvelt að gleyma sér í myndatökum af kræsingum dagsins...
Hér mættum við
norðanmönnunum fjórum og heilsuðumst...
fjórir björgunarsveitarmenn
frá Súlum í Eyjafirði ... þ. á.
m. Haraldur
Glerárdalsmaður
sem leiðsagði Toppförum um
Kerlingu og sex aðra tinda Glerárdalsins
árið 2009 í enn annarri stórkostlegri ferð sem þessi klúbbur á í
verðmætakistunni sinni ... en Haraldur bíður eftir því að Toppfarar þiggi heimboð
hans á 16 tinda um
Látrafjöll fyrir norðan sem er í vinnslu fyrir dagskránna
2013... það er alltaf eitthvað annað á dagskránni sem truflar árleg plön
þjálfara að setja þessa spennandi gönguleið á dagskrá... Ein af mörgum, bröttum brekkum á leiðinni...
Litið til norðausturs að Kverkfjöllum sem fóru hér að sjást hinum megin Vatnajökuls... og Karls og Kerlingar nær...
Fyrsta sjáanlega sprunga dagsins...
Hún lá þvert á brekkuna og var dæmigerð fyrir landslagið á þessari leið... sem er meira og minna sprungin alla leið upp á topp...
Ágústa og Lilja með Kálfafellsfjallstindana upp úr skýjunum...
Sólin bakaði okkur grimmt enda að nálgast hádegi... og við svitnuðum eða brunnum á víxl...
Stærsta sprunga leiðarinnar framundan...
Litið til baka... sjá brattann sem var vel fær en einkennandi fyrir gönguleið dagsins allan tímann...
Útsýnið til norðausturs... Snæfell vinstra megin - snjólaus klettastríta yfir bergdröngum sem varða hana allan hringinn og Karl og Kerling fyrir miðri mynd...
Sprungan að koma í ljós... Ekki langt í að hún
opnist alveg svo fara þarf á stakri snjóbrú yfir hana - sjá myndir -
Hér skyldi hoppa
yfir og ekki hika... lítil hætta þar sem við vorum að sniðganga hana
að mestu í öðrum endanum
Forvitnilegt verður að sjá hvernig þessi sprunga lítur út síðar í sumar...
Hvelfingin þarna niðri undir snjóbrúnni var mikil... enda er maður gjarnan að hoppa á snjóbrúnni báðum megin yfir svona sprungur sem lokast af snjóbrúm yfir vetrartímann og opnast að sumarlagi...
Allt gekk vel og við héldum áfram síðasta spölinn upp á tind...
Litið til baka að sprungunni...
Síðustu menn komnir yfir...
Það var varla hægt að ganga fyrir hitanum en flókið að fækka fötum í línu þar sem ganga þarf í takt... auk þess sem smá gola var fljót að kæla mann aftur og erfitt að finna hvað hentaði best...
Sprungur og snjóhengjur um allt...
Við vorum skýjum
ofar allan þennan dag...
...en við hefðum ekki viljað skipta á hreinu skyggni með dæmigerðri kaldri
norðanátt
Robyn var einn
leiðsögumanna dagsins... frá Finnlandi og á sínu þriðja starfsári á
Íslandi...
Útsýnið yfir
Kálfafellsdal...
Lítið eftir og síðasta brekkan framundan á tindinn...
Tindurinn að koma í ljós...
Ekki spurning að klára þetta í einum rykk...
Vatn & Heilsa komin á tindinn að fagna og taka hópmynd og Toppfararnir og Fjallhress að klára síðustu menn upp...
Nestisstopp uppi á
fjallsbrún sem telst með þeim æsilegustu í sögunni...
Anton að fagna á tindinum...
Farið var á Eggina í röðum og menn klofveguðu eða tindafögnuðu...
Snarbratt niður aftur en ekkert mál í góðu snjófæri...
Litið niður á bækistöðvar við tindinn með Kálfafellsdal hyldjúpan beint fyrir neðan...
...alla leið niður á bílana sem
sjást almennt frá brúninni... ansi
sjaldgæf sýn af jafnháum fjallstindum...
Sæmundur - Kjartan
- Steinunn - Jón sunnan-Heiðar á leið aftur niður af tindinum...
Útsýnið til suðurs
yfir Þverártindseggjar
sem eru
Útsýnið yfir hluta
Vatnajökuls í vestnorðvestur til nyrsta hluta Veðurárdalsfjalla? - öskjulaga landslag
sýnist manni
Litið til baka á Egginni með Fjallhressa línu nær og Toppfaralínu fjær...
Alvöru tindur.. fjallseggjar eins og þær gerast flottastar...
Vatn & Heilsa á leiðinni niður... með Snæfell vinstra megin og Karl og Kerlingu upp úr skýjunum...
Krapið í
Þverártindsegg næst (viljandi, svo fallegt) - Veðurárdalsfjöll
nær
Síðustu Toppfararnir að fóta sig um á tindinum fyrir toppa-mynd...
Jón norðan Heiðar
tók hugmyndinni um að taka fimmu-hópmynd á tindinum vel...
Tindafagn í hæsta gæðaflokki...
Litið til suðurs með áframhald af Egginni í átt til strandar...
Dásamlega frábærir félagar á fjöllum... Óskar Wildboys - Fjallhress - Toppfari og leiðsögumaður Arctic Adventures, Stefán, Súsanna, Sigga Rósa, Rikki, Leifur, Steinunn, Anton, Bára, Jóhanna Fríða, Sylvía, Gylfi, Elsa Þóris, , Sigga Sig., Roar, Sæmundur, Anna Sigga, Lilja Kr., Gerður Jens., Katrín Kj., Hjölli, Jóhannes, Lilja Sesselja?, Ágústa, Hugrún, Kjartan, Unnur, Ágúst, Ingi og Örn... með gamlan fána Toppfara sem er sannarlega kominn tími til að endurnýja... með lógói sem er sífellt á vinnsluborði þjálfara og kláraðist ekki fyrir þessa ferð...
Esjufjöll í Vatnajökli og... ... menn drukku greinilega nóg að vökva í þessum hita... ;-)
Fimman
sem leiðsögumennirnir mynduðu fyrir hópinn
... en við létum okkur hafa það, ekki síst fyrir þrjósku Jóns norðan-Heiðar...
... og við vorum ekki lengi að þessu... Unnur, Katrín, Lilja, Ágústa, Bára, Gestur - leiðsögumaður, Jóhanna Fríða, Sylvía, Lilja Sesselja, Gylfi, Ingi, Jón norðan-Heiðar - leiðsögumaður, Jónsunnan-Heiðar - leiðsögumaður, Steinunn, Kjartan, Sæmundur, Stefán, Örn, Hugrún, Ágúst, Gerður, Sigga Rósa, Rikki, Súsanna og Óskar - leiðsögumaður... en á mynd vantar hröðu línuna sem var lögð af stað niður ásamt Fjallhress ;-)
Svo var að koma sér niður og í línur fyrir niðurgönguna...
... þó við tímdum
því varla enda vorum við allt upp í einn og hálfan tíma uppi á
tindinum... .jpg)
... en undir það síðasta var komin gola og menn klæddu sig í úlpurnar...
... til þess eins að fækka öllum fötum aftur smám saman á niðurleiðinni í myljandi snjókrapinu...
...eftir því sem sólin bakaði okkur og snjóinn meira...
... í dásamlegu logninu alla leið niður...
Ágústa hoppar yfir eina sprunguna þar sem halda þurfti línum strekktum meðan hoppað var...
Þetta endaði á nokkurs konar brimbretta-aðstæðum...
...þar sem runnið var niður á skóm eða afturendum...
... og við hlógum okkur vitlaus á meðan...
Fórum gegnum skýjaþokuna á miðri leið...
... sem fljótlega opnaðist er neðar dró og Kálfafellsdalur kom aftur í ljós...
... með sínu hrikalega landslagi sem engum gleymist...
Aftur niður gilið góða...
... og grýttan brattann alla leið niður á bílana...
...en við mundum ekkert eftir því að hafa farið svona langa leið um morguninn í grjótinu...
Einkennandi brattinn á þessari leið sem gerir gönguna að einni af þeim stórbrotnari í sögunni...
... bókstaflega
alla leið niður í dalinn... en
í grunnbúðum
biðu fyrstu menn á meðan hinir tíndust niður smám saman
Fannar, Svavar, Robyn og Matti leiðsögumenn...
Gestur, Jón sunnan Heiðar og fyrrnefndu drengir... að hvíla lúin bein og viðra tær eftir flottan túr...
Sumir fengu sér fótabað...
Þjálfarar buðu öllum
afreksmönnum dagsins upp á
sérmerktan Toppfara-bjór
...merktur hópmyndinni af Hrútsfjallstindum frá því í fyrra í jafn stórfenglegri göngu og þennan dag...
Viðrun dagsins í
vímu sem er engu lík...
Á tjaldstæðinu tóku
Halldóra Á. hans Roars, Heiðrún hans Inga, Helga hans Antons og
Lilja Bjarnþórs og Íris hans Jóhannesar við hópnum með ferðasögu
sína af göngu inn Klukkugil og fleira... þar sem Íris fann tanngarð
úr dýraríkinu sem hún vildi
endilega láta Önnu Siggu kíkja á...
Eftir sturtu... eða enga sturtu... tók grillið við í sumarhitanum og sveitasælunni...
... þar sem við dekkuðum upp langborð í höðunni sem var skreytt diskóljósum...
Grillaðar voru alls kyns kræsingar á nokkrum grillum í samvinnu sem er þessum hópi vel lagið...
... og heilu krásirnar voru fram bornar...
Lopapeysuliðið stóð fyrir sínu en Óskar Wild og Sigga Sig slógu klárlega öðrum við í athyglisverðu mynstri...
Anton bauð upp á dýrindis forrétt eins og í fyrri útilegum... grafinn silung með kaldri sósu sem bráðnaði í munni...
Katrín R., Lilja Sesselja, Súsanna og Gylfi að elda ;-)
Borðhaldið að austan... ;-)
Borðhaldið að vestan ;-)
... og aukaborðið... með Perúdúk fyrir Perúfara...
Rikki stjórnaði fjöldasöng með Toppfaralaginu og fleiri góðum slögurum...
Kúrekarnir slógu í gegn með þema sínu sem þau tóku alla leið... þó Ísland gerði það ekki í Evróvisjón... en þau bættu nýju lagi í safn Toppfara með hreint út sagt frábærum heimasmíðuðum texta við lagið "Nína" og verður hér með sunginn næstu árin... Núna erum hérna á Króki Það er frítt á fjöllum okkar Þegar svo á sléttlendi er komið allt hér umturnast Ert'að sofna, þú mátt ekki hætta svona fljótt Dagurinn var æði með þér Þegar svo á sléttlendi er komið allt hér umturnast Ert'að sofna, þú mátt ekki hætta svona fljótt Ekki sofna Ó, rístu upp, af gleði er hér gnótt Jóhanna Fríða Dalqvist ;-)
Þá tók við hefðbundin spurningakeppni sem Ingi og Heiðrún stjórnuðu og sló enn betur í gegn en nokkru sinni...
Giska þurfti á tilvísanir í texta úr göngum klúbbsins... og leika ýmsa Toppfara...
...og það var slegist um bjölluna eins og áður af alvöru keppnisskapi þar sem öllu var fórnað...
Hópsímtalið var í þetta sinn tekið til Skúla Fjallhress en þau gistu að Hala...
... sem endaði með því að hann mætti á svæðið ásamt Önnu konu sinni í síðasta hluta partý-sins...
Þar sem endingarbestu Toppfararnir héldu út til rúmlega eitt um nóttina... jú, jú til að halda út sólarhringsvöku...
... áður en haldið
var til náða í hús... tjald... eða svefnpoka undir berum himni eins
og Óskar gerði...
Morguninn eftir var vaknað við tíst, hnegg, krunk og jarm að Króki...
... Spánarveðri þar sem morgunmatur var snæddur við tjöldin í blankalogni og sól...
Síðustu menn
yfirgáfu ekki sveitina fyrr en á mánudeginum, öðrum í hvítasunnu og
áttu frábæran aukadag með Sæmundi
Partýið búið... Flestir dóluðu sér hins vegar í bæinn á sunnudag... framhjá sunnanverðum Vatnajökli þar sem tindarnir skráðu niður heimboð næstu árin í árlegri alpa-ferð fjallgönguklúbbsins... Miðfellstindur 2013, Sveinstindur 2014... Birnudalstindur?, Snæfell sunnan Vatnajökuls??? - jú, afhverju ekki?... hinir Hrútsfjallstindarnir, Jökulgilstindar (austar), Hnapparnir, Rótarfjallshnúkur, o.m.fl. spennandi... að ekki sé talað um fjöll utan jökla sem gæti verið spennandi að taka í sumar- eða haustferð einn daginn eins og Sunnutindur við Þrándarjökul (austar) , Lómagnúpur, Búlandstindur (austar)... listinn er botnlaus og skal ekki gera nokkurn mann brjálaðan... heldur þakklátan fyrir að svona margt spennandi sé mögulega framundan...
Sveinstindur... á dagskrá árið 2014... önguleiðin er upp vinstra megin og jökullinn
þveraður beint yfir neðarlega og svo með hryggnum upp... Sjá
myndir Hugúnar og TKS-hópsins sem þarna fór um árið...
Veðurárdalsfjöll
og Þverártindsegg
í fjarska... með Breiðamerkurjökul að leka niður af
Vatnajökli...
Hnapparnir sem eru
hluti af sjö tindum öskjunnar í Vatnajökli sem hægt er að taka
hringleið um https://picasaweb.google.com/hugrun.hannesdottir/OskjuhringurinnIOrFajokli21Mai2011
Miðfellstindur sem rís vestan Hrútsfjallstinda og Hvannadalshnúks... þangað ætlum við vorið 2013... helst gangandi með allar birgðir inn Morsárdal og gista þar tvær nætur og ganga upp... frekar en að ganga fram og til baka allan dalinn og tindana eins og menn gera gjarnan líka... Sjá ferðasögur af þeirri göngu hjá TKS-hópnum og fleirum: ...
Leiðsögumenn dagsins ...sem heilluðu
okkur upp úr skónum og vönduðu vel til verka alla leið... Gestur, Danni,
Fannar, Svavar, Robyn, Jón sunnan-Heiðar, Jón norðan-Heiðar og Matti
Þeir fóru með okkur
alls 10,7 km
á 10:36 - 11:29 klst.
upp í 1.569 m
mælda hæð
|
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.JPG)
.JPG)
.jpg)
.JPG)
.JPG)
.JPG)
.JPG)
.jpg)
.jpg)
.jpg)
.jpg)
.jpg)
.JPG)
.jpg)
.JPG)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.jpg)
.jpg)
.JPG)
.jpg)
.JPG)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.JPG)
.jpg)
.JPG)
.jpg)
.JPG)
.jpg)
.jpg)
.JPG)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.JPG)
.JPG)
.jpg)
.jpg)
.jpg)
.jpg)
.JPG)
.jpg)
.JPG)
.JPG)
.jpg)
.jpg)
.JPG)
.jpg)
.jpg)
.JPG)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.JPG)
.JPG)
.JPG)
.JPG)
.jpg)
.jpg)
