Skráning og æfingagjöld í Toppfa

Skráning og æfingagjöld
í Toppfara:

Á göngu kringum Öskjuvatn í ferð á Herðugreið og Öskju í ágúst 2009....

Skráning í fjallgönguklúbbinn Toppfara fer fram með greiðslu æfingagjalda og tölvupósti á baraket(hjá)simnet.is
Hægt er að skrá sig inn hvenær sem er ársins og gilda æfingagjöldin frá og með skráningu.

Tölvupóstur skal innihalda eftirfarandi:

Fullt nafn
Kennitölu
Heimilisfang
GSM símanúmer
Netfang
Greiðslufyrirkomulag, þ.e. hvort búið er að greiða árgjald, hálft ár eða vera með mánaðarlegar greiðslur (hringja þá í Örn með kreditkortanúmerið í síma 899-8185).

Verðlisti:

Árgjald: 12 mánuðir: kr. 20.000 á mann - hjón/par/vinapar greiða 1,5 gjald: kr. 30.000.
6 mánuðir: kr. 14.000 á mann - hjón/par/vinapar greiða 1,5 gjald: kr. 21.000.
Mánaðarlegar greiðslur af kreditkorti: kr. 2.000 á mánuði - hjón/par/vinapar greiða 1,5 gjald: kr. 3.000.
Mánaðarlegar greiðslur eru lágmark 3 mánuðir í upphafi og tekur 1 mánuð að segja upp.
Æfingagjöld hækka aldrei hjá virkum félögum ef þeir halda áfram þó gjaldskrá hækki almennt - þannig þökkum við fyrir tryggðina :-)
Hægt er að nota niðurgreiðslu stéttarfélaga eða vinnuveitenda vegna líkamsræktar fyrir æfingagjöldum Toppfara.
Örn sendir póst með kvittun á pdf-skjali sem hægt er að senda á stéttarfélagið (orn-bokari(hjá)simnet.is).
Ef greitt er með afslætti hjóna/para/vina eru æfingagjöld dregin af einu kreditkorti (annars aðilans) eins og áður hefur verið og ef greitt er árgjald í einni greiðslu þá greiðir annar aðilinn kr. 30.000og menn gera upp sín á milli (ekki greiða 15.000 kr. hvor NB).

Greiðslu má inna af hendi á eftirfarandi máta:

Greiða beint inn á reikning Toppfara ehf nr: 0114 - 26 - 58100 á kt: 581007- 2210.
Eða með símgreiðslu af kreditkorti með því að hringja inn kreditkortanúmer í Örn Gunnarsson, þjálfara í síma 899-8185.

Sjö tinda ganga á Kerlingu, Hverfandi, þríklakka, Bónda, Stóra Krumma, Syðri Súlu og Ytri súlu í Eyjafirði 13. júní 2009...

Innifalið í klúbbgjaldi:

Skipulagðar fjallgönguæfingar alla þriðjudaga allt árið um kring kl. 17:30 frá fjallsrótum eða kl. 17:00 frá Össur ef langur akstur.
Lægra gjald fyrir tindferðir og lengri ferðir sem greiðast aukalega.
Forgangur í lengri ferðir og gönguferðir erlendis.

Verð í almennar tindferðir (ekki jöklaferðir eða flóknari ferðir):

Kr. 3.000 fyrir klúbbmeðlimi sem mættu í tindferð síðustu tvo mánuði eða ef bæði hjón/par/vinir mæta (greiddu æfingagjöld sem par).
Kr. 5.000 fyrir klúbbmeðlimi ef ofangreindur afsláttur gildir ekki.
Kr. 7.000 fyrir gesti sem vilja prófa göngu með klúbbnum.

Börn klúbbmeðlima að 18 ára aldri eru alltaf velkomnir í þriðjudagsgöngu án gjalds en greiða eins og klúbbmeðlimir í tindferðir.
Makar klúbbmeðlima sem koma í staka tindferð greiða eins og gestir ef þeir eru ekki skráðir í klúbbinn.
Gestir eru velkomnir í staka þriðjudagsgöngu til prufu ef það er laust pláss í klúbbnum NB en verða að skrá sig og greiða æfingagjöld eina og aðrir ef þeir vilja koma í fleiri en eina göngu.

Mikilvægar upplýsingar til nýliða:

Allar upplýsingar um klúbbinn, stofnun, markmið starfsemi, reglur, þróun o. m. fl. má lesa hér.
Sækið endilega um aðild að lokaða fasbókarhópnum "Toppfarar" þegar búið er að ganga frá æfingagjöldum :-)
Þjálfari getur ekki bætt nýliðum við nema vera vinir þeirra á fb fyrst og stundum er erfitt að finna nýliðana á fb svo endilega sækið sjálf um hér: https://www.facebook.com/groups/toppfarar/
Fjallgönguklúbburinn er einnig með opinbera síðu á fb til að kynna klúbbinn, þar sem allar dagsferðir / tindferðirnar eru settar inn sem viðburðir, svo gestir og gamlir klúbbfélagar geti komið í stöku göngu með hópnum. Klúbbfélagar Toppfara skrá sig þar inn á hvern viðburð fyrir sig og greiða lægra gjald sem klúbbmeðlimir og klúbbmeðlimir ganga fyrir ef þátttaka er takmörkuð: https://www.facebook.com/Toppfarar.is/
Sjá dagskrá klúbbsins fyrir árið. Þjálfarar semja dagskrá heils árs í senn og birta hana síðla hausts árið á undan.
Skoðið búnaðarlista klúbbsins en munið að lykilatriði er að mæta, ekki hvaða búnað maður á né að eiga allt sem er á listanum. Mætum í því sem við eigum til að byrja með og sjáum smám saman hvaða búnað mann vantar að koma sér upp (vantar mig betri gönguskó, hlífðarföt eða belgvettlinga og afhverju þá ?). Fjallgöngur snúast ekki fyrst og fremst um að þurfa að eiga margslunginn og dýran búnað heldur að leggja í hann helst einu sinni í viku og láta ekki veður eða annað hindra reglulega ástundun, svo formið sé gott allt árið um kring. Lágmarks fjallgöngubúnaður að okkar mati er gönguskór, hlífðarjakki, hlífðarbuxur, hlýjir vettlingar og hlýtt höfuðfat, bakpoki og kjarngott nesti og þannig getur maður byrjað. Reynslan við að ganga á fjöll allt árið um kring kennir manni svo smám saman að það er gott að hafa belgvettlinga, lambhúshettu, skíðagleraugu, hælsærisplástur, keðjubrodda o.fl. í bakpokanum en slíkan búnað er best að koma sér upp smám saman eftir því sem reynslan kennir manni.
Hvernig kemst ég í gott fjallgönguform...? ... um hvað snýst fjallgönguþjálfun ?... lykilatriði er að detta aldrei úr formi heldur viðhalda því með reglulegri ástundun. Tilgangur þessa fjallgönguklúbbs er fjallgönguþjálfun við allar aðstæður veðurs, færðar og birtuskilyrða allt árið um kring og að njóta íslenskrar náttúru sem mest í leiðinni... andlegri og félagslegri vellíðan til hagsbóta ekki síður en líkamlegri.

Frekari upplýsingar hjá þjálfurum; Bára: 867-4000 / baraket(hjá)simnet.is eða Örn 899-8185 /orn-bokari(hjá)simnet.is.

Í Morsárdal í Skaftafelli þar sem gengið var með allt á bakinu inn dalinn og gist í tjöldum tvær nætur milli þess sem gengið var á Miðfellstind framhjá Þumli
í mergjaðri ferð sem slapp ótrúlega vel með veður þrátt fyrir fremur slæmt veðurútlit helgina 17. - 19. maí 2013.