Tindferð
Síldarmannagötur frá Hvalfirði að Skorradalsvatni
laugardaginn 16. mars 2019
Síldarmannagötur
Loksins drifum
við okkur um gönguleiðina Síldarmannagötur sem
við höfum í rauninni ekki nennt að fara hingað
til
Veðurspáin var
mjög góð þennan dag
Það var hins
vegar skýjaðra þegar á hólminn var komið...
Þjálfarar keyrðu
Draghálsinn og beygðu svo inn Skorradalinn
sunnan megin við Skorradalsvatn
Í fullkomnu
grandaleysi gagnvart því að jeppaslóðinn væri
illfær eða ófær almennt
Jeppaslóðinn var
greiðfær lengstum en öðru hvoru voru
sundurskorningar eftir læki sem renna úr
hlíðunum
Komin rúmlega
hálfa leið inn eftir vatninu völdu þjálfarar
neðri slóðina meðfram vatninu í stað þess að
fara veginn gegnum skóginn
Hér létum við
hins vegar staðar numið og ákváðum að þrælast
ekki meira á þessum erfiða vegi.
En þetta var fínn
staður og í könnunarleiðangri þjálfara síðasta
sumar var hún búin að sjá að það skiptir í raun
ekki máli hvar lent er niður í Skorradal norðan
megin þar sem skógurinn og hlíðarnar eru
fallegar út eftir öllu og sumir sem farið hafa
þarna yfir hafa einmitt endað meðfram vatninu
sunnan megin en ekki í botninum á Skorradal...
svo við ákváðum að hlæja bara að þessu eins og
annarri vitleysu sem er að baki
Það voru fleiri
en við á göngu á þessu svæði þennan
laugardagsmorgun þegar svona vel viðraði...
Við lögðum af
stað gangandi kl. 9:12...
Vestursúla og
Norðursúla veifuðu ákaft þennan morgun og
þökkuðu fyrir síðast...
Dásamlegt veður
einnig þennan laugardag en þó vindur og skýjaðra
Farin var hefðbundin leið lengstum um Síldarmannagötur... upp stíginn áleiðis á Þyril...
Sjá skýin lemjast
utan í fjöllunum í vindindum sem var spáð þó
nokkrum til að byrja með um morguninn...
Sólin skein á nærliggjandi fjöll og allt var kristaltært og fallegt... litirnir sterkir og skærir...
Hvalfjarðarbotn... það verður gaman að klára öll tólf fjöllin kringum Hvalfjörð í lok árs...
Þjálfarar höfðu
stungið upp á því að bæta Þyrli við göngu
dagsins þar sem hann er alveg í leiðinni...
Menn gáfu lítið
fyrir fullyrðingar kvenþjálfarans um að þetta
yrði óveruleg breyting
Svo við slepptum
því Þyrli að sinni og gengum hefðubundna leið
upp á heiðina...
Já, auðvitað !
... einmitt til að geta horft yfir öll fjöll
Hvalfjarðar og rifjað upp göngur ársins kringum
hann alllan...
Það var virkilega
gaman að ganga þessa leið upp á Þyril og svo
áleiðis inn á heiðina að vetrarlagi
Nú upplifðum við
víðáttuna sem þarna er... fjallasýnina í allar
áttir... hvíta eins langt og augað eygði...
Þyrill hér í
baksýn... Akrafjallið í enda Hvalfjarðar... og
fjöllin öll beggja vegna hans...
Færið var okkur
hagstætt þennan dag... ekki djúpur snjór...
heldur snjóföl yfir hörðu undirlagi
Þegar keyrt er úr
bænum kl. 7:00 og bílar ferjaðir á milli enda-
og upphafsstaðar
Ár og lækir voru
frosin og allar áhyggjur þjálfara af bleytu voru
óþarfar en þetta er almennt blaut leið fyrri
hluta sumars
Himininn lék
stórt hlutverk í fegurðarskömmtun dagsins eins
og alltaf þegar vindar blása
Þessi kafli
meðfram ánni er mjög fallegur að sumri til og
því er nauðsynlegt að fara þessa leið á þeim
árstíma líka
Fegurðarskyn þjálfara hefur breyst í gegnum
árin...
Hér fórum við að sjá til fjalla austan megin og Hvalfellið reis úr heiðinni ásamt Botnssúlunum...
Það var bjartara sunnan megin... en það átti eftir að létta heilmikið til og lygna...
Himininn blár til
vesturs og suðurs...
Við vorum
fljótlega komin á hæsta punkt leiðarinnar um
Síldarmannagötur...
Augun sjá þetta
mun betur en myndavélin en þarna sáum við þrjú
þekkt fjöll í röð...
Menn voru með
alls kyns útfærslur á að halda vatnsslöngunum
sínum ófrosnum úr bakpokanum...
Jóhanna Fríða með gráa klæðningu og hulstur utan um drykkjarstykkið...
Guðmundur Jón með
svart einangrunarefni...
Við gengum að vörðunum tveimur í von um að sjá fjallasýnina til norðausturs efst af heiðinni...
Sjá til baka... bjartara inn að Esjufjallgarðinum öllum...
Þessi mynd fangar
fegurðina ekki nægilega vel þarna...
Hrein forréttindi
að upplifa þetta... og án efa dýrmætara fyrir
sálina en við gerum okkur grein fyrir...
Brátt kom fjallasýnin til norðausturs í ljós...
Hópmynd með
jöklana og fjöllin þeirra í baksýn en fjarlægðin
er of mikil fyrir myndavélina að sýna nægilega
vel...
Efri: Ólafur
Vignir, Jóhanna Fríða, Guðmundur Már, Heiða,
Bjarni, Bestla, Björn H., Guðmundur Jón.
Við lékum okkur
aðeins með vörðunum áður en við lögðum af stað
niður í mót til norðurs í átt að Skorradal...
Leiðin
Skorradalsmegin er ólík leiðinni
Hvalfjarðarmegin þar sem hjallar og skorningar
tóku nú við
Veturinn bauð
okkur upp á aðra upplifun en sumarið...
Lendurnar hér niður eru mjög fallegar með giljum, lækjum og fossum...
Við skoðuðum þennan vel en vantar nafn á hann...
Hvalfellið og
Botnssúlurnar í fjarska... rafmagnslínurnar á
þessum kafla skemma mikið fjallasýnina því miður
Enn vorum við að
fara hefðbundna... stikaða leið...
Í
könnunarleiðangri þjálfara síðasta sumar þar sem
hún fór ein með Batman hlaupandi fram og til
baka úr Hvalfirði
Sjá hér Grafardal
þar sem línuvegurinn liggur upp Hálsinn...
Hér skein sólin í
heiði og Bestla stakk upp á nestispásu sem var
gripið feginshendi...
Sjá fannfergið hér búið að kaffæra nánast girðinguna...
Nú var veðrið orðið fallegt í allar áttir... og við komin út af hefðbundinni leið...
Lognið mætt á svæðið og við nutum þess að dóla okkur um sveitina ofan Skorradals...
Sjá friðinn sem kominn var í himininn...
Við stefndum á bílana en tókum króka ef eitthvað spennandi var að sjá eins og þessi útsýnisstaður hér...
Skarðsheiðin í fjarska vinstra megin... Dragafellið í vestri...
Skarðsheiðin
hægra megin í skugga... Þórisjökull...
Langjökull... Fanntófell... Ok...
... eins og
Prestahnúk sem reis með axlirnar sínar bak við
Fanntófellið en sjá má sama útlit á því og hér
Smátt og smátt birtist Skorradalsvatnið í allri sinni mynd neðan okkar og var hulið ísbreiðu að mestu...
Óskaplega fallegt
og við nutum þess að vera í þessari blíðu þarna
uppi...
Við skáskárum okkur niður hlíðarnar í gegnum kjarr og mosa...
... yfir læki og frosna fossa...
Hér tók vottur af vori á móti okkur og við vildum hvergi vera nema hér þennan dag...
Hundarnir hafa
vit á að hvíla sig þegar mannskepnan staldrar
við...
Nema þetta sé útsjónarsemi... sparsemi á orku... skynsemi...
Þrír leiðangursmenn voru í prjónapeysu með sama mynstrinu... þetta er greinilega Toppfaramynstrið hér með !
Guðmundur Már,
Björn Hermanns og Guðmundur Jón.. töffarar og
englar í senn...
Já... þetta var orðið að sumargöngu á köflum... alveg yndislegt...
Bílarnir niður á eiðinu sem farið er að sjást í hér fyrir miðri mynd....
Mikils virði að ganga niður að Skorradalsvatni í þessum vetrarbúningi...
Nú var spurning að fara að lækka sig... en Örninn hélt áfram út eftir hlíðinni...
Hér fórum við niður... þræddum okkur meðfram læknum í von um að skógurinn yrði ekki of úfinn...
Það lofaði góðu til að byrja með...
En flæktist fljótlega neðar... en við skemmtum okkur vel við að kljást við trén...
Tókum því fagnandi að vera komin í annað en frost og snjó...
Þetta minnti á Morsárdalinn og skóginn þar forðum daga árið 2013...
... þar sem við
þurftum að þvælast í gegnum
skóg
Skaftafellshlíðar meðfram Morsá
Ómetanleg ferð sem verður dýrmætari eftir því sem árin líða...
En þennan marsdag
vorum við bara stödd í Skorradalnum og rifjuðum
upp góða tíma...
Dásamlegur kafli
og vel þess virði að hafa farið rangan veg inn
að Skorradalsbotni
Vegurinn var svo
genginn smá kafla og niður á sumarið við
eiðið...
Þetta var létt
ganga þó frekar löng væri...
Já, þetta er létt leið og því hægt að mæla með
henni við alla sem eru eitthvað að ganga...
V
Það voru heilir 5 km frá þessum stað inn í botn að endastað hefðbundinnar Síldarmannagötugöngu...
Takk
Skorradalsvatn... fyrir falleg kynni af þér í
vetrarham... friður þinn er einstakur... og
fegurðin óumdeild...
Alls 16,7 (16,6)
km á 6:24 klst.
Klukkan var ekkert... ekki orðin fjögur og við
búin að ganga...
Upp í 492 m hæð með alls 601 m hækkun miðað við
28 m upphafshæð.
Sjá okkar leið gula, bláa hefðbundin leið niður
í botn Skorradals og sú bleika frá Alexeir á
Wikiloc þar sem þau reyndar lækka sig niður í
botn og ganga svo jeppaslóðina til vesturs en
leiða má líkum að því að þau hafi gert eins og
við að keyra slóðann meðfram vatninu og þetta
hefði þá líklega verið sá staður þar sem þau
treystu sér ekki til að fara lengra ? Væri gaman
að vita það :-)
Sjá árnar sem þarf að fara yfir ef farið er
austarlega eins og hefðbundin leið er, en við
sluppum við með okkar vesturleið...
Sjá afstöðuna í stærra samhengi...
Skorradalsvatn er með eindæmum ílangt
stöðuvatn...
Eftir göngu beið okkar að keyra sama jeppaslóðann til baka og ná í bílana við Þyril í bakaleiðinni heim..
Snjórinn farinn
sem var um morguninn... vegurinn bljúgari...
Þegar lent var
við þyril var annar gönguhópur að ljúka sinni
göngu að Glym og um brúnirnar til baka
Hvílíkt lán að
hafa heilsu og tækifæri til að geta upplifað
svona dag... si svona...
Sjá myndband af
göngunni í heild hér:
Sjá slóðina okkar á
Wikiloc þar sem sjá má fleiri útgáfur af göngum
um Síldarmannagötur frá öðrum:
|
Við erum á toppnum... hvar ert
þú?
|