Æfingar alla þriðjudaga
frá apríl út júní 2014
í öfugri tímaröð:
Esjan öðruvísi með Hjölla í
sumarfríi þjálfara 24. júní
Syðsta súla með Birni og Gylfa í sumarfríi þjálfara 16. júní
Móskarðahnúkar með Hjölla í sumarfríi þjálfara 10. júní
Katlar undir Skessuhorni 3. júní
Úlfarsfell um Hjörleifsleið 27. maí
Reynivallaháls um Fossá 20. maí
Meyjarsæti og Sandfell um Sandkluftavatn 13. maí
Búrfell í Grímsnesi 6. maí
Grænavatnseggjar,
Djúpavatnseggjar, Sogin og Grænadyngja 29. apríl
Undirhlíðar á norðurtagli
Sveifluhálss við Helgafell í Hafnarfirði 22. apríl
Ölfusvatnsfjöll, Gildruklettar,
Lambhagi og Einbúi sunnan Þingvallavatns 15. apríl
Meðalfell Meðalfellsvatni 8.
apríl
Miðfell og Dagmálafell austan Þingvallavatns 1. apríl
Esjan öðruvísi með Hjölla - vantar mynd - ! Þriðjudaginn 24. júní fór Hjölli með félaga sína óhefðbundna göngu um Esjuna eins og oft áður, að þessu sinni um... Árlegri Eilífsdalsgöngu var frestað vegna slæmrar veðurspár þetta kvöld enda var rigning og rok...? Alls ... |
Syðsta súla með Birni og Gylfa
Mánudaginn 16. júní
fóru 19 manns á Syðstu súlu í magnaðri kvöldgöngu undir leiðsögn
Björns Matt og Gylfa í sumarfríi þjálfara. Alls...
|
Móskarðahnúkar með Hjölla
Þriðjudaginn 10. júní gengu 13 manns á Móskarðahnúka undir leiðsögn Hjölla í sumarfríi þjálfara í fallegu veðri og skyggni. Alls ... |
Notaleg viðrun
Síðasta æfing
þjálfara fyrir sumarfrí í júnímánuði var
þriðjudaginn 3. júní upp Katlana sem rísa undir
Skessuhorninu...
... en í staðinn
fengum við notalegt og friðsælt veður en ekkert
skyggni upp í efri hlíðar svo kvöldið fór í
spjall og fréttir af hinum ýmsustu göngum...
Ganga kvöldsins átti að fara mjúkum höndum um Öræfajökulsfara...
...og því var eingöngu farið upp lægri hnúkana
undir hömrunum hér vinstra megin sem bíða betra
skyggnis
Vallý var að mæta
í sína fyrstu göngu eftir fótbrotið í vor og
fagnaði á tindinum af sinni einstöku gleði, enda
gekk þetta ágætlega
Jakobínurnar
mættu líka eftir sína dásamlegu og sögulegu ferð
um Jakobsstíginn... El Camino de Santiago...
...eins og allar alvöru gönguferðir eiga að
gera...
Ilmandi sumarið er aldeilis mætt fyrr en oft áður... þetta er með hlýjasta og besta vorin/sumarbyrjun í sögu klúbbsins...
Í bakaleiðinni sneiddum við meðfram gljúfrinu og sáum hrafnshreiður...
... og tókum aðra hópmynd en þá fyrri með fossinum fallega... Örn, Hjölli, Jóhann Ísfeld, Þórunn, Anton, Ólafur Vignir, Steinunn Sn., Svala, Gylfi, Gerður Jens., Lilja Sesselja, Ingi, Doddi, Guðný Ester, Heiðrún, Sigga Rósa, Guðrmundur J'on, Sigríður Arna, Helga Bj., Arna, Lilja H., Margrét, Ágúst og Vallý en Bára tók mynd og Flóki, Bónó og Moli skoppuðu með :-) Hafið það sem best elsku vinir í júní þar til við sjáum ykkar síðar... njótið þess að uppskera eftir vetur sem okkur finnst hafa toppað alla þá fyrri, enn og aftur í mörgum óskaplega fallegum göngum og tveimur þeim erfiðustu í sögunni... hvílíkar göngur framundan á vegum Hjölla, Gylfa og Björns Matt... verið góð hvort við annað eins og alltaf, þetta er einstakur hópur sem vert er að hlúa að og varðveita sem mest við öll getum... þið eruð einfaldlega langflottust og ómetanlegt með öllu að fá að ganga með ykkur á fjöll og njóta félagsskapar ykkar og vináttu öllum stundum :-) Sjáumst á Kirkjufellinu og Dyrafjöllum í byrjun júlí ! |
Milt en bratt
Úlfarsfell
Þriðjudaginn 27. maí var farin ósköp létt og stutt en stórskemmtileg
leið um Úlfarsfellið
Þetta var sama leið og Hjölli fór með hópinn um þegar þjálfarar voru
í sumarfríi í fyrra...
Farið var upp bratta gilið ofan við skóginn sem er talsvert á brattann en gullfalleg og gefandi...
Mættir voru 19 manns skv. bókhaldinu... svo það vantar einhverja á myndina...
Hjölli, Ólafur Vignir, Ágúst, Sigríðiur Arna, Anton, Njóla, Doddi,
Gerður Jens, Sigurrós, Halldór,
Niður var svo farið jólaleiðina okkar um gilið norðan megin ofan Mosfellsbæjar...
Ansi
fagurt á að líta að sumri til á slóðum sem við erum alltaf að
þvælast um að vetri til í myrkri...
Brekkan efst með mosann grænan og skóginn neðar...
... en þetta var skriða og ekkert nema skriða efst til að byrja með...
Svo var farið utan með klettabeltinum til baka í stað þess að fara niður gegnum skóginn eins og jólagangan er vanalega...
Tignarleg leið og stórskemmtilegt að fara utan í hömrunum sem blasa við neðan af þjóðveginum...
Anton fann auðvitað alvöru klett til að klífa...
Góðar götur þarna yfir um og fuglinn vofði yfir hópnum...
Alls
um 4,4, km á 1:54 klst. upp í 277 m hæð með alls hækkun upp á 321 m
miðað við 71 m upphafshæð
Öræfajökullinn framundan aðfararnótt fimmtudags / uppstigningardags
|
Hreint sumaryndi
Gullfallegt gljúfur Fossár í Hvalfirði og skógræktin utan í hlíðum Reynivallaháls buðu upp á sumarlega veislu þriðjudaginn 20. maí þegar 41 manns mættu á æfingu...
Gengið var frá skógræktinni upp með ánni og að öðrum fossi hennar ofan við sumarhúsin austan megin...
Steikjandi hiti og sól í dalnum og friðsæll fuglasöngur... þetta gat ekki verið fegurra...
Mættir voru 41 manns: Aðalheiður Eiríks., Aðalheiður Steinars., Anton, Arnar, Ásta H., Bára, Guðmundur Jón, Guðný Ester, Guðrún Helga, Gylfi, Halldór, Helga Bj., Hildur Vals., Hjölli, Irma, Ísleifur, Jóhann Ísfeld, Jóhanna Fríða, Jóhanna Karlotta, Jóhannes undanfari, Jón, Katrín Kj., Lilja Bj., undanfari, Lilja Sesselja, Ólafur Vignir, Ólafur Gunnars., Ósk Einars., Ósk Sig., Roar, Sigga Sig., Sigurrós, Stefán Alfreðs., Steingrímur, Steinunn Sn., Súsanna, Svala, Valla, Þórunn, Örn Alexanders og Örn fararstjóri en Bára tók mynd og Jóhannes og Lilja Bj. voru farin á undan og við náðum því miður aldrei á þau !
Nokkru neðar við þriðja foss var haldið á heiðina sem er löööööönnnng til vesturs...
...mun lengri en Múlafjallið sem reyndi vel á þolinmæðina í
hitteðfyrra...
Útsýnið hélt okkur
samt við efnið og gladdi andann þegar endalaust heiðarbröltið ætlaði
allan heilavef að svæfa...
Til suðurs mátti
sjá Sandfell í Kjós sem við gengum á í fyrra og er alltaf jafn
ótrúlega tignarlegt í Kjósinni...
Einhvers staðar á heiðinni fengum við okkur nesti og sáum hærri hóla í vestri en ákváðum að láta þetta nægja þar sem rúmir 5 km voru að baki í golu og kulda... því sumarlegur skógurinn niðri við ánna togaði okkur sterkt til sín... það var ráð að njóta frekar blíðunnar þar úr því það gaf svona vel í veður og langt kominn gróðurinn þetta vorið...
Örninn valdi bakaleið um Grænuvíkurkletta svokallaða um brúnirnar ofan við hamrana að norðan og var það fallega valið...
Hvalfjörðurinn
allur í fangi okkar og Þyrilsnesið þarna marrandi úti á hafi...
Farið var niður um svipmikinn og spriklandi fagran Flúðardalinn vestan megin við skóginn...
... í fuglasöng og sumarlegum hita aftur eftir svalan vorvindinn uppi...
Áðum í brekkunni góða stund með Hvalfjörðinn útbreiddan fyrir framan okkur...
... við tímdum ekki heim...
Síðasta kaflann var farið gegnum skóginn og komið fram á brúnirnar með fallegu útsýni yfir fjörðinn...
Katrín "merkjastjóri" sá um að panta Toppfaramerki frá 66°Norður
fyrir hópinn og fóru rúm 60 stykki í fyrstu prentun, tvær stærðir
sem rúmast vel á bakpokanum eða fötunum...
Alls 8,8 km á 3:15 klst. upp í 430 m hæð miðað við 43 m upphafshæð og alls hækkun upp á 435 m. Sjá
slóðina okkar þetta kvöld og óskaplegu lengdina á Reynivallahálsi...
við vorum rétt búin með einn þriðja af hálsinum eða svo ! Yndislegt kvöld í sumarblíðu sem gerði afskaplega vel við líkama og sál... jöklagöngurnar þessar vikurnar í umræðunni og Öræfajökullinn á þarsíðustu metrunum í undirbúningi... menn ræddu grill eða pottrétt þar sem sumir vilja fá kjöt en ekki "einhverja súpu eftir stranga göngu"... flestir á því að halda sig við súpuna enda engin venjuleg súpa sem "á náttúrulega skilið að kallast massa pottréttur".. bragðgóður og matarmikill með eindæmum... en skiljanlegt að hugnist ekki öllum svo það er ekki spurning að taka sig saman og grilla þeir sem vilja það, sjá fésbókarumræður undir viðburðinum :-) Þjálfari skipaði hvíld í næstu viku en fékk svo bakþanka þar sem menn vilja hittast eitthvað stuttu fyrir ferð svo Úlfarsfellið er á dagskrá næsta þriðjudag frá skógræktinni... stuttur og léttur fjallgöngufundur og dásamlegt að fá að ganga þarna að sumarlagi :-) Akrafjallið færðist fram í september í staðinn enda vildu menn helst ekki missa af töffaranum Geirmundi :-)
|
Þar sem Sandkluftavatn felur sig
Við vorum 35 sem gengum í svölum skúraleiðingum þriðjudaginn 13. maí upp Meyjarsætið sem hér rís og eftir endilöngu Sandfellinu norðan Þingvallavatns þar sem komið var við meðfram ströndum Sandkluftavatns í bakaleiðinni...
Arkað í mosa, grjóti og sandi upp og niður hóla og hæðir í svalri golu með lítið útsýni til hins magnaða fjallasalar sem þarna umkringir allt...
... en Ármannsfellið stóð þó fyrir sínu þó efstu hlíðar væru þokukenndar...
Þriðja gangan
sem farin er við Þingvallalvatn á vatnaárinu mikla... nú norðan
megin...
Æj, einhver móða fyrir linsunni því miður... Mættir voru 35 manns: Efri: Sigurrós,
Áslaug, Guðmundur Jón, Ásta Guðrún, Valla, Jón, Guðný Ester, Ósk
G., Steingrímur, Ólafur G., Ólafur V., Irma, Hjölli, Lilja Bj.,
Hildur Vals., Örn, Ósk S., Nonni, Guðmundur V., Jóhannes, Örn
A., Aðalheiður Eiríks., Guðrún Helga og Dóra. Nonni átti
afmæli og fékk afmælissönginn eftir myndina og nokkur knús,
Eftir nestisstund á hráslagalegum tindinum í 551 m hæð - nákvæmlega þeirri sömu og Búrfellið mældist á um daginn var arkað niður að sjóskaflinum sem bókstaflega lak alla leið niður af Sandfellinu að Sandkluftavatni og sér m. a. um að viðhalda því svona umfangsmiklu eins og það nú er... en það breytist í lítinn poll eftir því sem líður á sumarið...
Þingvallalvatn í fjarska vinstra megin og Sandkluftavatn neðan við Sandfellið og Ármannsfellið hægra megin.
Mjög skemmtileg leið niður þennan skafl sem endaði umluktur sandi hér í þessum rásum...
Það er eitthvað við það að ganga í fjöru...
Sandkluftavatnið hér með komið í vatnasafn ársins...
... og má alveg
vera stolt af þeirri fegurð sem það bauð okkur upp á þetta kvöld
Alls 9,0 km á 2:55 klst. upp í 551 m hæð með 379 m hækkun miðað við 236 m upphafshæð... Öræfajökullinn
sem er framundan eftir rúmar tvær vikur í umræðunni og eins vel
heppnuð Hrútsfjallstinda-ferð Fjallhress en komandi helgi lítur
ekki mjög vel út fyrir Hvannadalshnúk, Eyjafjallajökul og
Snæfellsjökul sem allir eru í sigti félaganna |
Pollapönk
komst
áfram
Þriðjudaginn 6.
maí gengu 44 Toppfarar á Búrfell í Grímsnesi í
notalegum eftirskjálftum
Enn eitt
blíðviðrið á göngu... við megum vera þakklát fyrir sérstaklega
hlýtt og milt vor þetta árið
Við enduðum á að fara sunnan megin upp af línuveginum sem liggur frá afleggjaranum að Búrfelli þeim megin, en ætlunin var að fara vestan megin upp af einum af mörgum línuvegum þarna yfir svæðið, en þangað mættu Jóhannes og Lilja undanfarar hlýðandi leiðarlýsingu vefjarins www.toppfarar.is og hittu því miður ekkert á okkur þetta kvöldið...
Búrfell í
Grímsnesi er frábært útsýnisfjall og við horfðum á fjöllin
sunnan Langjökuls, kringum Þingvallavatn, Ingólfsfjall sem hér
sést í allri sinni dýrð og svo fjöllin öll á Suðurlandinu sem
við höfum gert garðinn frægan hjá síðustu vikur...
Búrfellið er víðfeðmt mjög og hólótt að ofan...
Þ ar uppi leynist ansi stórt vatn sem veiðst hefur bleikja í að sögn Roars ofl. og liggur í eldgömlum gígsem er umvafinn mildum veðruðum tindum í tímans tönn... þar innan um sá hæsti á fjallinu en það var ansi magnað að koma fram á brúnirnar og horfa niður í vatnið þegar upp var komið...
Þokuslæðingur þarna uppi og landslagið dulúðugt í nærmyndinni...
... sem mild
kvöldsólin jók enn frekar á gegnum þokuna sem kom og fór
Nokkrir tindar á Búrfelli vörðumerktir en sá hæsti mældist 551 m hár og þar neðan við snæddum við nesti í skjóli fyrir hægri en svalri norðanáttinni sem var heldur kaldari en neðar í fjallinu og í engu samræmi við vorhitann sem ríkt hefur síðustu vikur...
Niðri á Þingvallavatni mörruðu Ölfusvatnsfjöllin, Gildruklettar, Lambhagi og Einbúi sem við gengum á fyrir páska í síbreytilegu veðri - sjá tangann sem endar á þúfulöguðum hól úti á vatninu sem Lambhagi heitir...
Þessa vikuna er
Ferðafélag Íslands með morgungöngurnar sínar í eina viku sem er
stök snilld...
Mættir voru:
Efri: Steingrímur, Doddi, Aðalheiður St., Roar, Sigurrós, Ólafur
Vignir, Jóhanna Fríða, Ósk Ei., Aðalheiður Ei., Örn, Ósk S.,
Ásta Guðrún, Guðrún Helga, Hjölli, Guðný Ester, Bestla,
Guðmundur Jón, Arna, Njáll, Margrét, Sigríður Arna, Ólafur G.
Farinn var hringur kringum vatnið í bakaleiðinni og þokan kom og fór...
Snjóskaflar enn
í austurhlíðum ofan í gígnum en ansi sumarlegt að öðru leyti
Brátt gengum
við niður úr þokunni og gátum virt Suðurlandið fyrir okkur...
Farið niður
hinum megin við gilið á suðuröxlinni í steikjandi hita sem þar
tók við
... á ansi snarpri niðurgöngu sem tók vel í hné hjá þeim sem kljást við slík meiðsli...
Alls 6,7 km á 2:48 - 2:56 klst. upp í 551 m hæð með 531 m hækkun alls.
Vatnajökulsgöngurnar hafnar í maí-vertíðinni og nokkrir
Toppfarar á leið á Hrútsfjallstinda eða Sveinstind um helgina Pollapönk komst
áfram í undanúrslitunum og er gjarnan spáð 16. sæti í
lokakeppninni... |
Litadýrð á eggjandi tindum við Sogin
Þremur dögum eftir aðra erfiðustu göngu Toppfara frá upphafi... 33,3 km göngu frá Næfurholti upp á Heklu þann 27. apríl... og tveimur dögum fyrir göngu á Tindfjallajökul þann 1. maí mættu 37 manns í Sogin á Reykjanesi þriðjudaginn 29. apríl...
... í blíðskaparveðri eða logni og hálfskýjuðu...
... þar sem litadýrðin á sér líklega ekki hliðstæðu nema að fjallabaki og álíka perlum á hálendinu...
Gengið var um þrjú vötn enda "vatnaárið mikla" í fullum gangi :-)
... og rakið sig eftir egginni sem rís umhverfis þau öll...
Byrjað var á Grænavatnseggjum...
... þar sem Moli var ekkert hræddur að kíkja niður á vatnið ofan af egginni...
... og við hin heldur ekkert smeyk að skrolla niður með skriðunum...
Sjá Krýsuvíkur-Mælifellið efst á mynd sem var endastöð okkar í Sveifluhálsgöngunni fögru í janúar á þessu ári...
Keilir í fjarska afskaplega fallegur í sólarlaginu þetta kvöld...
Síðasta vatn kvöldsins var Djúpavatn...
Það
stafar alltaf birtu af þessum þremur
ofurkonum Toppfara sem var sárt saknað á
Heklu um liðna helgi...
Eftir góða nestispásu ofan við Grænavatn með Djúpavatnið bíðandi eftir okkur var haldið á Djúpavatnseggjar...
... sem eru ansi skemmtilegur hryggur milli vatnanna beggja...
Mættir voru: Aðalheiður Eiríks., Aðalheiður Steinars., Arna, Arnar, Áslaug, Ástríður, Bára, Doddi, Dóra, Guðmundur Jón, Guðný Ester, Gunnar, Gylfi, Halldór, Heimir, Hjölli, Jóhann Ísfeld, Jóhanna Fríða, Jóhannes, Katrín Kj., Kjartan, Lilja Bj., Lilja Sesselja, Magnús, Njóla, Nonni, Ólafur G., Ólafur Vignir, Sigga Rósa, Sigga Sig., Sigríður Arna, Sigurrós, Steingrímur, Steinunn Sn., Súsanna, Svala og Örn
Vorum alveg með vatnaþemað á hreinu þetta kvöldið...
... og sólin skein hátt á lofti... það er komið sumar...
Nokkrir sjaldséðir hrafnir mættu þetta kvöld... þ.á.m. Gunnar sem gekk á Kilimanjaro í byrjun mars ásamt Vilborgu Örnu og félögum og hélt upp á afmælið sitt á toppnum með söng og gítarspili... geri aðrir betur :-)
Litið til baka á Djúpavatnseggjar vinstra megin, svo Grænavatn og Grænavatnseggjar hægra megin.
Við gengum gegnum litríkt jarðhitasvæðið í Sogunum á leið til baka...
Trölladyngja vinstra megin fjær og Grænadyngja nær hægra megin.
Litirnir þarna voru varla af þessum heimi...
... og við röktum okkur í lita-ævintýra-landi niður lækinn...
... og ljósmyndararnir misstu sig algerlega...
... enda ekki annað hægt...
Blár, grænn, gulur, appelsínugulur, grár, hvítur, svartur...
Í þetta sinn gengum við lækinn til enda...
... og komum "út" rétt við bílana...
... þar
sem gáfulegra hefði kannski verið að
láta það nægja...
...en eitthvað gamalt og þrjóskt leiddi okkur upp þessi litfögru gil alla leið á Grænudyngju...
Litið til baka á svæðið sem við vorum búin að ganga um...
Lilja Sesselja hafði rétt fyrir sér... Reykjanesið er algerlega í sérflokki...
Yfir Keili í vestri seig sólin...
... og gætti þess að við kláruðum alla leið á tind Grænudyngju í þetta sinn...
... þar sem við nutum veðurblíðunnar og útsýnisins...
Trölladyngja.
Niður var
farið aðeins aðra leið en síðast...
meira gegnum jarðhitasvæðið sjálft sem
var skemmtileg tilbreyting...
Alls 7,3
km á 3:10 klst. upp í 377 m, 402 m og
413 m en eitthvað er það öðruvísi en
síðast...
Tindfjallajökull á fimmtudaginn 1. maí
með óskaplega notalega veðurspá í
kortunum, lygnt og léttskýjað... |
Rómantísk skógarferð
um Undirhlíðar
Jin og Jang tókust á þriðjudaginn 22. apríl...
...þegar farið var í rómantíska skógargöngu í funhita og sól, skreytta harðneskjulegu brölti í hávaðaroki...
... um lífsglatt hraun, slegnar malir og sleikta kletta...
... með himininn vindum strokinn ofan okkar...
Farið var vestan megini í skjóli til að byrja með...
... en svo algerlega berskjölduð fyrir 16 m/sek á leið upp Undirhlíðarnar í norðurtagli Sveifluhálssins...
... þar sem stöku skjól gafst fyrir nesti og hópmynd...
... og endað í fallegri klettaborg
við hæsta tind Undirhlíða í 227 m hæð áður en snúið var við...
Arnar, Steinunn Sn., Jóhann Ísfeld, Dóra, Katrín Kj., Guðrún Helga, Nonni, Guðný Ester, Njóla, Svala, Gylfi, Valla, Ólafur Vignir, Guðmundur Jón, Jón, Lilja Sesselja, Ástríður, Ósk E., Steingrímur, Roar, Hjölli, Halldóra Á., Rósa, Helga Edwald, Aðalheiður Eiríks., Sigríður Arna, Örn, Ásta Guðrún, Ósk og Ólafur G., en Bára tók mynd og Bónó, Moli og Dimma fuku með.
Sem fyrr var ekki spennandi að fara sömu leið til baka...
... og því var farið hinum megin við hálsinn þegar komið var niður í skarðið við námuna...
... sem gaf ágætis skjól fyrir austanrokinu...
... og við áttum dýrindisstundir
þarna vestan megin við Helgafellið í Hafnarfirði
... og svo freistandi að Arnar
skákmaður, MontBlanc-fari og Nepal-fari
.... en við hin þóttumst of upptekin við að kanna ókunnar slóðir til baka...
...um hraunið og skóginn...
... svipaða leið og Jóhanna Fríða
kynnti fyrir hópnum í fyrrasumar í klúbbmeðlimagöngu meðan þjálfarar
voru í fríi
Óskaplega fallegt kvöld þrátt fyrir vindinn...
en aðalumræðuefni kvöldsins var
skelfilegt slysið á Everest þar sem 16 Sherpar fórust á
Khumbujökliinum undan snjóflóði rétt ofan fið Grunnbúðirnar en við
áttum öll erfitt með að melta þessar fréttir á miðjum afstöðnum
páskum:
... í útlensku hitastigi og norskum fjallaskógi...
... og gullnu sólarlagi alla leið í
bílana... Alls 11,8 km á 3:13 klst. upp í 227 m hæð með 433 m hækkun alls miðað við 89 m upphafshæð.
Ansi flottar æfingar síðustu
þriðjudaga með löngum vegalengdum |
Ölfusvatnsfjöll Gildruklettar
Lambhagi og Einbúi
Það skiptust á sól og snjóhríð sem aldrei fyrr í sögu okkar þriðjudaginn 15. apríl...
... þegar gengið var á Ölfusvatnsfjöll og félaga við suðurströnd Þingvallavatns...
... á gullfallegri leið sem fangaði athygli okkar allan tímann...
... í glimrandi góðu skyggni milli snjóélja...
... og góðri
fjallasýn á áður gengin fjöll...
Mættir voru: Anton, Heiðrún, Gylfi, Örn, Ólafur Vignir, Lilja Sesselja, Maggi, Ósk, Ingi, Irma, Ásta Guðrún, Súsanna, Ólafur G., Margrét og Sigurrós sem var að mæta í fyrsta sinn í göngu með okkur... og Bára tók mynd.
Ármannsfellið hvítt í fjarska... Arnarfellið dökka fyrir miðri mynd og Miðfell og Dagmálafell sem við gengum þarsíðasta þriðjudag lengst til hægri á mynd bak við seinni hnúkinn á Ölfusvatnsfjöllum...
Það gekk á með éljum á milli þess sem sólin glitraði allt... og hér náðist fyrsti éljagangurinn á mynd...
... skyndilega varð allt dimmt...
... og jörðin hvítnaði...
...það sem áður var gult, grænt og brúnt af vorlitunum varð hvítt af snjó það sem eftir leið kvölds...
... en svo létti til eins og hendi væri veifað og allt varð aftur sólríkt og gott...
...en hvít jörðin sat eftir og hvítnaði meir eftir því sem éljagangurinn gekk oftar yfir svæðið...
Súlufell lengst
til vinstri, Kyllisfell, Hrómundartindur og svo Sandfellið og
Mæliflelið aftar hægra megin
Fullt af mögnuðum útsýnisstöðum þetta kvöld... og það var sko skrafað og hlegið og málin leyst á alla vegu :-)
Búrfell í
Grímsnesi sagðist bíða eftir okkur þar til síðar í sumar...
Ótrúlega fallegt landslag og útsýni af ekki hærri fjöllum...
Örninn sá um tímastjórnunina... "jæja, eigum við ekki að halda áfram" ?
... jú, bara aðeins að taka smá myndir hérna...
Niður af
Ölfusvatnsfjöllum var gengið alla leið á ströndina neðan við
bústaðina sem þarna rísa hver öðrum glæsilegri...
Við vorum stödd í paradís...
... og fórum gætilega gegnum þessar einkastrendur sem þarna eru...
... en stálumst til að borða smá nesti í skjólinu og friðsældinni sem þarna var við vatnið...
Svo var haldið áfram eftir ströndinni...
Litið til baka á Ölfusvatnsfjöll sem eru ansi fögur á að líta frá vatninu...
Þrjóskir skaflar hér í þetta lítilli hæð eftir allar þessar vorleysingar...
Enn einn éljagangurinn gekk yfir á síðasta kaflanum um Gildrukletta yfir á Lambhaga...
... en svo létti til og við gátum notið útsýnisins...
Anton vildi fara niður að vatni ofan af Lambhaga sem var auðvitað skínandi skemmtilegt...
Hinum megin risu Miðfell og Dagmálafell sem við gengum fyrir tveimur vikum og menn spurðu hvar báturinn væri :-)
Óskaplega fallegt þarna og friðsælt...
Loks var snúið
við...
Snjór yfir öllu saman... sem fyrr um kvöldið iðaði af gulu vorinu... þetta var ótrúlegt...
Skemmtileg leið til baka utan í hlíðunum á Lambhaga...
... svo gekk enn einn éljagangurinn yfir...
... og
þarnæstsíðasta bústaður á leiðinni kom í ljós við austurströnd
Lambhaga...
Næst síðasti bústaðurinn var líka yfirgefinn og í niðurníðslu... sjá Einbúa sem var "síðasti tindur" kvöldsins hægra megin á mynd... svo fallegur að hann fær að vera með í tölfræðinni... mikið er ekki alltaf meira eða stærra :-)
Einbúinn sá var 128 m hár og gaf fínasta útsýni yfir gönguleið kvöldsins í báðar áttir...
Ölfusvatnsfjöll í
fjarska í suðri og gönguleið okkar meðfram ströndinni hægra
megin...
Yndisleg ganga og
virkilega fallegt umhverfi... Aflýsum Heklugöngu um páskana hér með vegna slæmrar veðurspár alla hátíðina og stefnum á sumardaginn fyrsta eða helgina þar á eftir... vonum það besta, þessi Hekluferð okkar er löng og ströng og eingöngu spennandi í rjómablíðu eins og hún gerist best á vorin :-)
|
Enn eitt nýja fjallið bættist í safnið á árinu þriðjudaginn 8. apríl...
...þegar gengið var eftir Meðalfellinu endilöngu frá vestri til austurs og meðfram Meðalfellsvatni til baka...
Gengið var þéttar brekkurnar upp vestan megin ofan bæjarins og mikið grín gert að þjálfara sem lýst hafði leiðinni sem "aflíðandi" :-)
... en greið var hún og örugg
allavega og gullfalleg þegar litið var til baka...
Það gekk á með skúraleiðingum um allt
en einhvern veginn eiginlega ekkert á okkur...
Vorlegt og yndislegt og aldrei misstum við skyggnið þetta kvöld sem var mikils virði af jafn gjöfulu útsýnisfjalli...
Mættir voru 31 manns:
Efri: Ósk, Rikki, Katrín Kj.,
Steinunn Sn., Ólafur V., Dagbjört, Guðmundur Jón, Halldór Óskar,
Antonk, Gylfi, Hildur Vals., Örn, Lilja Sesselja, Nonni, Jóhann
Ísfeld, Steingrímur, Kristján, Sjöfn, Aðalheiður Ei., Ósk E.,
Guðlaug RL.
Heilmikið landslag er ofan á Meðalfelli og mjög gaman að rekja sig eftir því öllu með útsýnið á allavegu...
Fallegast var það suður yfir
Meðalfellsvatnið sjálft og á norðurhlíðar Esjunnar
Lagt var upp með að fara eftir öllu
Meðalfellinu sem er ansi löng leið eða um 10 kílómetrar
...en þegar moldin
seig undan okkur á löngum drullugum köflum í vorleysingunum... komu
á okkur tvær grímur
...en menn vildu bara
ekki stytta gönguna og voru almennt stilltir inn á langa æfingu svo
við héldum bara ótrauð áfram eftir drullunni
Á miðri leið gengum við fram á þetta
folaldahræ sem var átakanleg sjón... hafði greinilega reynt að
krafsa sig heilmikið upp en ekki tekist... Ekki náðum við símasambandi við Kaffi Kjós en sendum þeim línu eftir gönguna með gps-hnitin í þeirri von að þau hafi einhverja miðlunarleið til allra á svæðinu upp á að finna eigandann að þessu svarta, fallega folaldi... sem við komumst við að finna svona á sig komið, litla skinnið.
Þegar komið var á austurhluta
fjallsins fór Örninn að skima eftir góð niðurleið...
... og fann fína klöngurleið sem var ágætis tilbreyting frá endalausri stikluninni yfir mjúkan leirinn uppi...
... svo allt hófst þetta með
hjálpsemi og þolinmæði
Það var farið að rökkva þegar komið var niður á veg... og við straujuðum til baka tæpa 3 kílómetra meðfram Meðalfellsvatninu meðan myrkrið tók smám saman yfir... munum hér með allltaf keyra þennan veg og minnast þessarar göngu sem var ansi sætur sigur á þriðjudagskveldi :-) Alls 9,7 km á 3:25 klst. upp í 373 m með 571 m hækkun alls miðað við 62 m upphafshæð. Hekla eða ekki Hekla um páskana... það er spurningin :-)
|
Vorlegar aurskriður
Vorið er sannarlega komið þessa dagana í hita og mildu veðri...
...eins og þriðjudaginn 1. apríl þegar gengið
var í annað sinn í sögu klúbbsins um Miðfell og
Dagmálafell austan megin við Þingvallavatn...
Orðið snjólaust í bænum en enn snjór til fjalla enda bara byrjun apríl... vorgræðgin á sér engin takmörk...
... en vorlegt færi... blautur snjór, mosi og aur...
Gengið var eftir báðum fellunum frá norðaustri til suðvesturs...
... með ansi gott útsýni yfir Þingvallavatnið og fjöllin öll á Þingvallasvæðinu allan hringinn...
Moli er með ólofthræddustu Toppförum... en skalf aðeins þegar hann kíkti hér niður... kannski bara af kulda en ekki hræðslu :-)
Mættir voru 34 manns:
Efri: Nonni, Ásta
Guðrún, Lilja Sesselja, Björn Matt., Irma,
Steinunn Sn., Súsanna, Guðrún Helga, Svala,
Arnar, Njóla, Katrín, Örn, Ástríður, Guðmundur
Jón, Helga Edw., Ósk Einars., Jón, Maggi,
Steingrímur, Jóhann Ísfeld, Valla og Kristján.
Nýliðar vetrarins
ansi duglegir að mæta þessar vikurnar og mörg
hver mætt vel í tindferðirnar líka,
Steingrímur, Ósk
Einars., Njáll, Krisján og Guðlaug
Milli Miðfells og Dagmálafells var smá skafl... og gamall vegaslóði...
... og fyrsta aurskriðan sem vorið bauð okkur upp á... mun saklausari en oft áður enda á Mosfellið algerlega metið :-)
Mikið spjallað og
planað enda margar spennandi göngur framundan á
árinu...
Gerður, Lilja,
Njóla, Irma og Soffía Rósa að klára upp
Dagmálafellið sem mældist 297 m hátt
Aðeins
vetrarlegra en fyrir tveimur árum þegar við
gengum þessa sömu leið í lok mars...
Niður af
Dagmálafelli var farið aflíðandi brekkur að
mosabarði nokkru við Þingvallavatnið þar sem við
snæddum nesti...
Veitingastaður af náttúrunnar hendi á heimsmælikvarða... sæti fyrir alla og útsýnið niður á Þingvallavatn :-) Alls 7,2 km á 2:42 klst. upp í 339 m hæð hæst með 534 m hækkun alls miðað við 143 m upphafshæð. Rösk og krefjandi æfing þar sem endað var í rökkri og við rétt sluppum við að kveikja á ljósunum sem er dásamlegt eftir veturinn...
Bjarnarhafnarfjall á laugardaginn í mildu
vorveðri... eftir sumarveður síðustu vikuna sem
vonandi hefur hreinsað sem mest af snjó af
fjallinu þar sem það liggur við sjó... vonandi
fáum við fallegt skyggni og smá sól :-) |
Við erum á toppnum...
hvar ert þú?
|