Skyggni ansi gott til Botnssúlnanna allra og fjallanna í kring... þó það rigndi stanslaust og vindur léki um okkur... veðrið var sérkennilegt þennan dag því þrátt fyrir alla úrkomuna til að byrja með og þungbúið skýjafar á köflum var skyggni óskert til allra átta og fjallasýnin stórkostleg um leið og það fór að létta til...

Mynd tók Björgvin Jónsson.

Lítið fór fyrir hátíðarhöldum í tilefni af árshátíðinni sem fara skyldi fram helgina á eftir úr því öllu rigndi niður...
en fararstjórinn sló tvær flugur í einu höggi og var hátíðlega vel búinn gegn veðrinu ;-)

Mynd tók Björgvin Jónsson.

Mynd tók Björgvin Jónsson.

Neðan við Syðstu Súlu blasti Miðsúla við... hversu langt kæmumst við upp á hana...?

Þjálfarar höfðu farið könnunarleiðangur í ágúst upp hana vestan megin að skarðinu neðan við tindinn, sömu megin og nokkrir Toppfarar fóru þann 17. júní í sumar og sömu leið og Ingi fór niður um hana í miðnæturgönguni á Syðstu Súlu í júlí í sumar... en þjálfarar vildu gera tilraun með uppgöngu um austurhrygginn þó nokkuð væri víst að þaðan væri ekki vel fært...

Miðsúla átti í raun ekki að vera hluti af verkefni dagsins... en fékk að vera með þar sem þjálfarar höfðu efasemdir um að komast með hópinn allan á Háusúlu og ákváðu því að hafa tilraunaferð á Miðsúlu með í verkefni dagsins...

Afrakstur dagsins var því vel þeginn þar sem Háasúla reyndist greiðfær og Miðsúla eina flókna verkefni dagsins en báðar tindar sigraðir sem var í samræmi við björtustu vonir sem varla komust að fyrir svörtustu spám dagana fyrir gönguna...

Við þurftum að lækka okkur aðeins niður í Eystra Súlnagil til að fara yfir á Miðsúlu... en hvað gerir maður ekki til að komast á fjallshrygg sem búið er að horfa löngunaraugum á árum saman... loksins vorum við að fara upp á þennan freistandi hrygg Miðsúlu sem blasað hefur við okkur gegnum árin og valdið ansi mörgum vangaveltum um færar leiðir...

Mynd tók Björgvin Jónsson.

Austurhryggur Miðsúlu var veisla út af fyrir sig...
Ofan af honum fór Háasúla að blasa við í allri sinni Pisa-skökku hnúka-dýrð... og Vestursúla í allri sinni eggjandi tindahryggja-dýrð...

Mynd tók Björgvin Jónsson.

Örn og strákarnir fóru á undan til að kanna með leið austan megin en fundu enga augljóst góða... kannski var hægt að lækka sig talsvert sunnan megin og taka raufina suðaustan megin... en það þýddi lækkun og klöngur í bratta og lausagrjóti í mikilli óvissu um að komast alla leið upp með tilheyrandi of langri töf þar sem Háasúla var einnig verkefni dagsins, svo afráðið var að fara hliðarmegin undir tindunum og freista uppgöngu vestan megin...

Mynd tók Björgvin Jónsson.

Ægifögur leið með austurhryggnum... vel þess virði að fara þarna yfir þó lækka þurfi sig aftur til að komast hinum megin á hrygginn...

Mynd tók Björgvin Jónsson.

Miðsúla vinstra megin og Vestursúla hægra megin...

Mynd: Óskar Wild.

Móbergsklappirnar á Botnssúlunum láta ekkert að sér hæða...

Mynd tók Björgvin Jónsson.

Við lækkuðum okkur hálfa leið niður áður en við þveruðum yfir á vesturhrygg Miðsúlu...

Mynd tók Björgvin Jónsson.

Sýnin upp á tindahrygg Miðsúlu var mögnuð... við fundum nokkrar góðar leiðir svona úr öruggri fjarlægðinni...
 en líklega er lítið hægt að fara mikið um þarna uppi og best að finna leið sem liggur beint upp á hæsta tindinn...

Mynd tók Björgvin Jónsson.

Strákarnir voru ekki lengi að kanna aðstæður á vesturhryggnum... 
Örn og Anton fremstir með Jón, Valgerði, Áslaugu og Óskar neðar.

Hinir komu í humátt á eftir... þangað til smám saman þynntist úr hópnum sem ofar fór...
hver og einn náði sínum mörkum lofthræðslunnar og ákvað að fara ekki lengra...

Steinunn, Lilja Sesselja, Bára, Katrín, Örn og Áslaug.

Mynd tók Björgvin Jónsson.

Þarna fór sólin akkúrat að skína og við nutum útsýnisins úr þessum ægifagra fjallasal niður á haustlitað landslagið...

Mynd tók Björgvin Jónsson.

Háasúla beið hnarreist í fjarska.... leiðandi systur sína, Vestursúlu sem rís vinstra megin...

Mynd tók Björgvin Jónsson.

Vestursúla í allri sinni dýrð...
Eggjandi tindahryggur sem er líklega illfær án klifurtækja á köflum...
en algerlega nauðsynlegt að fara þarna um til að komast að því af eigin raun einhvern tíma í framtíð Toppfara...

Mynd tók Björgvin Jónsson.

Sjö af fjórtán leiðangursmönnum fóru alla leið upp á efsta tind Miðsúlu...

Mynd tók Björgvin Jónsson.

Mynd tók Björgvin Jónsson.

Eftir Miðsúlu var hádegismatur í sól og skjóli fyrir goluna ofan af hryggnum...
Yndisleg stund þar sem við máttum varla vera að því að halda áfram yfir á Háusúlu...

Mynd tók Björgvin Jónsson.

Veðrið lék við okkur og útsýnið hélt okkur við efnið... Háasúla framundan með fjallið Ok..
já, sjálft Ok-ið svona lágt og saklaust hægra megin á mynd með Fanntófell og Kvígindisfell lengst til hægri...

Mynd tók Björgvin Jónsson.

Þórisjökull, Litla og Stóra Björnsfell, Skjaldbreiður, Hlöðufell, Súlnaberg næst, Skriða og Tindaskagi...

Mynd tók Björgvin Jónsson.

Við gældum við að fara upp á austurhrygg Vestursúlu en létum hófsemi ráða för og héldum með hlíðinni yfir á Háusúlu...

Mynd tók Björgvin Jónsson.

Færið með besta móti...  allt blautt og þétt í sér eftir rigningar síðustu daga... ekki sami skraufþurrkurinn og þegar þjálfarar fóru þarna um í ágúst þegar allt rann og losnaði í molnandi móberginu og olli því að þeir efuðust stórlega um færið upp á Háusúlu...

Mynd tók Óskar Wild.

Ágætis slóði kominn á þessa leið í því fjallgönguæði sem nú gengur yfir landsmenn síðustu ár...

Mynd tók Björgvin Jónsson.

Komin að langþráðum tindi Háusúlu sem búinn var að vera draumur ansi lengi...

Komin lengra en janúardaginn sögulega árið 2009 þegar við snerum við í brjáluðu veðri í hlíðinni...


Mynd tók Björgvin Jónsson.

Útsýnið úr skarði Háusúlu til Hvalfells og Hvalvatns...

Mynd tók Björgvin Jónsson.

Slóði farinn að myndast upp Háusúlu fyrsta kaflann...

Mynd tók Björgvin Jónsson.

Flottur móbergsklettur...

... sem við skutumst upp án þess að hika...

Mynd tók Björgvin Jónsson.

Útsýnið úr hlíðum Háusúlu til Miðsúlu vinstra megin og Syðstu Súlu hægra megin...

Sjá gönguleið dagsins á Miðsúlu þar sem við gengum upp hrygginn vinstra megin og niður um skarðið, gengum undir tindunum í hlíðinni og upp hægra megin og þaðan með hryggnum alla leið...

Þetta var ansi bratt að sjá frá Háusúlu...

Mynd tók Björgvin Jónsson.

Anton, Jón, Día, Áslaug og Sæmundur...

Mynd tók Björgvin Jónsson.

Móbergsklappirnar fastar í sér og hvorki þörf fyrir stafi né hendur til stuðnings...

Mynd tók Björgvin Jónsson.

Mynd tók Björgvin Jónsson.

Toppurinn á Háusúlu

Óborganlegur útsýnisstaður... hér til Hvalfells og Hvalvatns með Örn og Sæmund að rekja sig eftir Hvalfirðinu...

Mynd tók Björgvin Jónsson.

Óskar var að fara á sínar fyrstu Botnssúlur og hljóp náttúrulega upp á báðar eins og fremstu garpar Toppfara gera á svona dögum...

Vestursúla í baksýn með hæsta hluta hennar út af mynd hægra megin, en tindahryggur Vestursúlu er margskiptur og tindurinn aftan við Örn er t.d. hluti af henni þó sá hnúkur mætti heita öðru nafni til aðgreiningar þegar brölt er upp á þessi fjöll... rétt eins og hryggurinn austan megin á Vestursúlu mætti í raun heita sér nafni... en nú er nafnaæði þjálfara að fara komið úr böndunum... ;-)

 Anton með Akrafjall lengst til vinstri, svo Norðursúlu, Hvalfjörð, Hafnarfjall, Skarðsheiði, Brekkukamb, þyril, Hvalfell og Hvalvatn lengst til hægri á mynd... þetta var útsýnisveisla...

Mynd tók Björgvin Jónsson.

Eftir talsverðan tíma upp á tindi Háusúlu í logni og blíðu var kominn tími á fíflagang niður í dalinn á síðasta tind dagsins á Súlnabergi sem já, já, þjálfara finnst að mætti alveg heita Austursúlu rétt eins og Norðursúla fær sér nafn þar sem báðir þessir hnúkar gefa svip á Botnssúlur þegar horft er á þær úr fjarlægð... en Súlnaberg fær það nú samt að heita í friði... eins og staðan er núna allavega... ;-)

Við tókum beinustu leið gegnum dalinn með tilheyrandi lækkun og hækkun þó hægt sér að rekja sig til baka sömu leið og halda hæð...
en það er skemmtilegra að fara hring og sjá nýjar slóðir og önnur sjónarhorn í leiðinni, m. a. gljúfrið þarna niðri...

Mynd tók Björgvin Jónsson.

Bára, Steinunn, Irma, Áslaug, Sæmundur, Día og Valgerður.

Irma, Bára, Áslaug, Día, Sæmundur og Steinunn með austurhrygg vestursúlu í baksýn...
jebb... næst förum við þarna upp...

Mynd tók Björgvin Jónsson.

Austurhryggur Vestursúlu og Háasúla
í baksýn Óskars, Díu, Áslaugar, Katrínar, Antons, Valgerðar, Irmu, Steinunnar og Báru á leið upp á Súlnaberg...

Mynd tók Björgvin Jónsson.

Eftir grenjandi rigningu, klettaklöngur og grjótbarning klukkustundum saman var lítið pláss fyrir alvöru skemmtanahöld en við dressuðum okkur þó samt upp fyrir hópmynd af síðasta tindi dagsins á "Austursúlu" og fengum okkur einn heitan fyrir heimförina...

Björgvin, Örn, Irma, Día, Sæmundur, Katrín, Guðmundur Jón, Áslaug, Lilja Seselja, Steinunn, Jón, Valgerður, Anton, Bára og Óskar.

Heim var haldið eftir magnaða tinda um grjótsali Botnssúlna
með Þingvallavatn eins og mýkjandi strokur um andlitið eftir svaðilför dagsins...

Mynd tók Óskar Wild.

Ótrúlega flottur dagur miðað við veðurspá og veðurútlit í byrjun dagsins...

Mynd tók Björgvin Jónsson.

Ein nestispása á leiðinni en annars svifið áfram í gleðinni alla leið í bílana...

... þar sem Steinunn komst loksins að með ljóðið sitt góða sem sló í gegn:

...vantar ljóðið...

Mynd tók Björgvin Jónsson.

Virkilega sætur sigur
...sem skilaði alls 19,5 km í hús á 8:55 klst. upp í 1.053 m hæð á Miðsúlu, 1.060 m á Háusúlu
og 965 m á Súlnabergi með 1.994 m hækkun alls.

Sjá myndir úr ferðinni á fésbókinni og á myndasíðu þjálfara en þar eru flestar myndir fengnar að láni frá Björgvini og Óskari!

Hjartans þakkir Björgvin og Óskar fyrir myndirnar sem fengnar eru að láni í þessari ferðasögu
þar sem myndavél þjálfara gaf sig í bleytunni í byrjun dagsins ;-)

Myndasíða þjálfara - nánast allar myndir teknar af Björgvini: https://picasaweb.google.com/Toppfarar/T65MiSulaHaasula240911