Okinu aflétt

Okinu aflétt og tindinum náð
alla leið Toppfarar börðust með dáð.
Mót slyddu og slabbi þeir höfðu sín ráð
og uppskáru öll eins og til var sáð.

Við sem ætluðum að gera aðra og það notalega tilraun á Ok-ið í ár... eftir harkalegt slagveður í janúar.... þar sem menn steinlágu fyrir bleytunni... en nú skyldi þetta gengið í lygnu og mildu veðri... og jú, við gengum alla leið á tindinn...  í friðsælu veðri til að byrja með... en fljótlega slyddu og þéttum mótvindi síðasta kaflann... og nánast engu skyggni alla leið...

...en létum okkur hafa það... og fengum hörkugöngu út úr þrjóskunni... eða 23 km á 8:15 - 9:09 klst. upp í 1.193 m mælda hæð (1.170 m)... með 1.050 m hækkun... sjaldan annað eins erfitt færi og sumir orðnir blautir, hraktir og þreyttir síðustu kílómetrana... en þeim mun reynslumeiri eftir afrekið... manni er ansi margt mögulegt þegar svona lagað er að baki...

Brosið mætt á svæðið hjá Jóhannesi og Gunnari sem voru jafn vissir og þjálfari er það ekki annars ;-)?... um að veðrið yrði aðeins betra en veðurspáin sagði til um eins og oft áður... háskýjað og úrkomulítið... en ekki verra en spáin sagði til um eins og stundum.. með vindi ofar og nánast stanslausri úrkomu allan daginn...

Gullfalleg leið meðfram gljúfri Bæjargilsins sem ekki naut sín sem skyldi í þessum skyndilega vetrarham að vori til þar sem snjó kyngdi niður um nóttina og gerði allt grátt á suðvesturhorni landsins... en þeim gráma lauk ekki fyrr en í vikunni á eftir þar sem snjókoman hélt sínu striki fram á sunnudaginn 1. maí og komst í fréttirnar...

Húsafell í þokudumbungi og það var alltaf eins og þessu væri að létta...

Jóhanna Karlotta við gljúfrin sem gaman væri að ganga hinu megin frá í góðu tómi
og jafnvel niður um þau því það eru góðar leiðir þar um.

Jóhanna tók ákvörðun um að fara á Hrútsfjallstinda þessa helgi...
og átti vel inni fyrir því, búin að mæta í nánast allar þriðjudagsæfingar og tindferðir frá því hún byrjaði í klúbbnum í fyrra...

Glittir í Strút í baksýn í snjóþokunni

Gerður BJ., Þóra og Bryndís voru að fara í sína fyrstu tindferð með hópnum og fengu hana eins og þær gerast erfiðastar beint í æð... en þær komu ríkari heim... og Bryndís aldeilis klár fyrir Hvannadalshnúk sem hún stefnir á næstu helgi með
Toppaðu með 66°Norður þann 7. maí eða sama dag og tæplega 30 Toppfarar stefna á Hrútsfjallstinda og Jóhannes á Sveinstind í sama jökli... þetta var dýrmæt upphitun fyrir þær göngur...

Bæjar-brekkurnar leyndu á sér og gáfu okkur góða hækkun til að byrja með áður en endalaus heiðin tók við.

Snjórinn ofar en var mjúkur og meyr af vori sem þrjóskast við... og hvergi þörf á hálkukeðjum...

Færið var með blautara móti í sögunni kílómetrunum saman...

Sigga Sig prófaði snjóþrúgurnar hans Heimis... sá yrði ánægður með sína... og svei mér þá ef hún sigldi ekki bara yfir verstu kaflana á meðan við hin slöbbuðumst, drulluðumst, hlussuðumst... áfram..

Sigga Sig, Ingi, Guðjón, Bryndís, Þóra og Heiðrún

Göngugleðin var ríkjandi alla leið...

Hvað eru strákarnir að sluksa þarna aftast?

Stundum skánaði skyggnið og það hætti að rigna... en það varði aldrei lengi...

Nesitspásurnar í þessari ferð voru með kaldranalegasta mótinu...

Sigga Sig., Ingi, Heiðrún, Svala, Lilja K., Jóhanna Karlotta, Ásta H., Gerður og Gunnar.

Black is black létu ekki að sér hæða...

Heiðrún, Thomas, Jóhannes, Hermann, Irma, Kjartan, Jóhanna Karlotta, Þóra og Guðjón Pétur.

Né Red alert...

Gerður, Lilja K., Ásta H., María E., Lilja B., Katrín, Gunnar og Bryndís.

The Brownies voru fámennur en góðmennur hópur...

Kjartan skyndilega kominn í brúna primaloftúlpu og kannaðist ekkert við Svartstakkana
og slóst í lið með Rósu, Antoni og Hildi Vals.

Ekki náðist mynd af Team Orange, Blue velvet né poncho-liðinu þar sem niðurgangan var sundurslitin
en við bætum það sko upp í næstu ferð ;-)

Fljótlega breyttist rigningarúðinn í slyddu.... og svo snjókomu ofar... og svo aftur í slyddu og rigningu til baka...
og þegar það varð úrkomulaust og þokunni létti í nokkrar mínútur svo meira að segja glitti í jöklana á sumum augnablikum... lagðist annað úrkomubelti yfir og hélt okkur við efnið...

Það var í nógu að snúast í þessari ferð...

Hvaða kl... lið var þetta eiginlega...?

Við vorum nógu biluð til að fara alla leið allavega...

Anna Sigga, Anton, Ásta H., Bára, Bryndís, Gerður Gj., Guðmundur Jón, Guðjo´n Pétur, Gunnar, Heiðrún, Hermann, Hildur V., Ingi, Irma, Jóhanna Karlotta, Jóhannes, Katrín K., Kjartan, Lilja Bj., Lilja K,., María E., Ósk, Rósa, Sigga Sig., Svala, Thomas, Vallý, Þóra,  Örn og Bára tók mynd ;-)

Sjóklæðagerðarlegir þálfarar Örn og Bára

Voru þetta fararstjórarnir?

... nú þá var þetta ekkert skrítið ;-)

Þeir prófuðu gamla góða regnhelda stakkinn úr sjóklæðagerðinni... og regnheldar lúffur með... og það svínvirkaði, alveg vatnshelt og þurfti ekkert að anda í þessum kulda...

Uppi var mesti vindurinn eins og gjarnarn er og við ákváðum að fara aðeins niður i skjól... já, skjólið er nefnilega svo mikið  á Okinu... og þessi leit að góðum nestisstað endaði með ósköpum þar sem sumir redduðu sér bara standandi en aðrir enduðu á að setjast niður á miðri leið og borða með þjálfurum á meðan aðrir héldu áfram og björguðu sér um mat neðar...

Þannig dreifðum við okkur um allt Okið á niðurleið og fórum þetta á hlátrasköllum, spjalli, þrjósku, reynslu, viljastyrk, gleði þar sem þolinmæðin þjálfaðist verulega allt niður í bílana...

Hey, sjáiði jöklana þarna... Þarna er Þóris... neibb... við fengum ekki betra útsýni en þetta þegar best gaf...

Leiðin niður var enn blautari en um morguninn
svona til að við færum ekki að slá þessu upp í kæruleysi á síðustu kílómetrunum...

Þóra, Bryndís og Ósk tóku einn leðjuslag í lokin og strákarnir misstu af miklu...

Útsýnið ekki til staðar... því miður í þessum fagra jöklasal... enda hefði maður varla getað litið upp hvort sem er...
... það þurfti ákveðna lagni til að fóta sig almennilega alla leið...

Þetta var "ægi"-fagurt gegnum frosnar tjarnir og ár sem við þveruðum bara hvort sem við vissum af því eða ekki en almennt er þetta mikið vatnasvæði og algert nauðsyn að fara þessa leið að sumri til í skyggni og sjá landslagið þegar snjóa sleppir ;-)... Come on guys... auðvitað förum við aftur á Ok-ið....

Eða fara frá Kaldadal á kvöldgöngu á bjartri sumarnóttu sem er mun styttra og minni hækkun... eða alvöru tindferð með Fanntófelli og félögum í leiðinni...

Uss, hvað það bíða okkar spennandi tímar á Ok-inu í framtíðinni.. þeir geta allavega ekki orðið verra en þessa tvo laugardaga sem við öfum eytt í þetta fjall á þessu ári ;-)

Hörku tindferð og sætur sigur
sem gaf okkur skínandi góða þjálfun á langri vegalengd... í krefjandi veðri... og erfiðu færi...
með enn eina búnaðarprófunina í reynslubankanum...

Við bíðum bara enn spenntari eftir sólinni og sumrinu ;-)

Sjá þversnið af göngunni í hæð opg vegalengd hér ofar og neðar er gangan á korti þar sem sést hve stutt við fórum í vetrargöngunni í lok janúar á þessu ári þegar slagviðrið sigarði okkur fljótlega.

Takið eftir hvernig við hefðum getað farið enn vestar en við gerðum en þar lék vatnasvæðið ákveðið hlutverk
og gengu sumir mun lengra austar í bakaleiðinni en þetta track sýnir.

Allar myndir þjálfara úr ferðinni:

Og frábærar myndir félaganna með stórskemmtilegum ferðasögum og athugasemdum á fésbókinni!

Við erum á toppnum... hvar ert þú?
www.toppfarar.is

Toppfarar ehf - Viðarrima 52 - 112 Reykjavík - Kt: 581007-2210 - Sími: +354-867-4000 / -899-8185 / -588-5277 - Netfang: bara(hjá)toppfarar.is
Copyright: Höfundarréttur: Bára Agnes Ketilsdóttir