Tindferð 149
laugardaginn 4. nóvember 2017
Löðmundur Landmannaafrétti
Fjöllin að fjallabaki III

Löðmundur
í geislandi fögru vetrarríki
Friðlands að fjallabaki

Vð tókum skyndiákvörðun í byrjun nóvember og skelltum okkur inn á Friðland að Fjallabaki...
að freista þess að ná konungi Landmannaafréttar í fjallasafnið okkar á þessu svæði...
sjálfum Löðmundi... og uppskárum heiðskíru, frost og vind í kyngimögnuðu útsýni um allt Friðlandið...

Veðurspáin var góð... spáð talsverðum vindi og frosi en sólríku veðri frá og með hádegi og einhverjum skýjum að morgninum...
sú spá snerist alveg við í raun þar sem sólin skein í heiði fyrri part dagsins... einmitt þegar við vorum á göngu
og svo þykknaði léttilega upp þegar leið á daginn... einmitt eins og við vildum hafa það...

Hekla veifaði þegar við ókum framhjá... hnarreist og falleg...
allt önnur en þegar við gengum á hana rennblauta og rokgjarna um miðjan september...
í engu skyggni né útsýni því miður... við eigum eftir að ná þessari axlargöngu aftur...
og taka bara stálpaða krakka með því þetta er það létt ganga í raun frá öxlinni...

Akstursleiðin inn Dómadal var hreinir töfrar í þessu fallega veðri með snjófölina yfir öllu...

Flest okkar að keyra þarna inn eftir í fyrsta sinn í vetrarbúningnum...

Hvílík fegurð... við nutum hverrar sekúndu og því varð löng akstursleið að hreinu ævintýri...

Allir vel bílaðir og vel gekk að þvera ána við Landmannahelli... Sjá Rauðufossafjöll og Rauðufossa hér í baksýn...

Friðlandið var óskaplega fallegt í þessu veðri...

Við Landmannahelli stöðvaði för okkar starfsmaður Umhverfisstofnunar og kastaði á okkur kveðju.
Hann var að grennslast fyrir um og skrá umferð fólks á svæðinu...
 rjúpnaveiðihelgi og við höfðum séð nokkra bíla á leiðinni lagða upp í kant og menn á veiðum í nágrenninu...
en þetta haustið lést rjúpnaveiðiskytta við Krakatind sökum veikinda sem sló okkur heilmikið
því við vorum á þessum slóðum tvisvar þetta síðsumarið og haustið...

Brátt blasti Löðmundur við og við bara störðum...

... og tókum nokkrar myndir af honum strax þarna...
tindótt landslag hans uppi á sléttunni sást vel í þessari snjóföl...

Öll að fara í fyrsta sinn á Löðmund og þar á meðal þjálfarar... sem höfðu mænt á þetta fjall árum saman...
en við keyrðum inn að Löðmundarvatni og vissum ekki alveg hvernig akstursleiðin væri að fjallsrótum...
enduðum á að leggja bílunum nánast við vatnið og ekki keyra upp á heiðina að Herbjarnarfellsvatni þó þar væri slóði
því okkur fannst þetta vera utanvegaakstur og það vildum við ekki...

Fínn staður til upphafs göngunnar því ekki var þetta löng ganga framundan hvort eð er...

Gott veður við bílana en okkur grunaði að vindurinn væri ofar og því klæddum við okkur í samræmi við það
enda beit frostið þó lygnt væri...

Suðurhlíðar Löðmundar eru brattar niður að vatninu en þó er vel hægt að velja góða leið upp í suðvesturhlutanum að okkur fannst
en við héldum áætlun um að fara upp vestan megin og hugsanlega koma niður einhvers staðar hér...
en við áttum svo eftir að fara niður alveg vestan megin...

Kyngimagnað að vera í friðlandinu á þessum árstíma... við trúðum varla okkar eigin augum...

Við hækkuðum okkur smám saman upp þegar vel hallaði til vesturs hlíðunum og landslag friðlandsins kom brátt í ljós...
þ.á.m. Krakatindur og Rauðufossafjöll sem við höfðum gengið á í lok ágúst í fullkomnu veðri...

Brattinn jókst þegar ofar dró...

... og það var brátt komið keðjubroddafæri...

En sumir voru fljótir þarna upp og þurftu ekkert á broddunum að halda að þeirra mati...

Ágætis tak í grasinu undir snjónum en þar sem brattast var, var gott að hafa gripið af broddunum...
gott dæmi um gagn keðjubroddana þar sem engum dettur í hug að fara í ísbroddana sjálfa...

Löðmundarvatn og Mógilshöfðar... við verðum að ganga á þá einn daginn...
hættum ekki fyrr en við erum búin að ganga á öll fjöllin í Friðlandinu... þó það taki áratugi... :-)

Ofar leituðum við að góðum nestisstað þar sem menn voru orðnir svangir eftir langan akstur
þó ekki væri löng ganga að baki...

Þjálfari er nú þegar búin að semja nokkrar gönguferðir um Friðlandið að Fjallabaki...

Herbjarnarfell og Herbjarnarfellsvatn...
allir litirnir á þessum slóðum horfnir bak við snjóinn en samt var þetta ægifagurt...

Eftir matinn héldum við áfram upp...
en komumst að því að við vorum bara á einni öxlinni á Löðmundi og ekki komin inná meginland hans...

Svo við drifum okkur niður í gilið og aftur upp hér... sjá öxlina sem við fórum upp á í tómri vitleysu :-)

Ekki var þessi uppleið löng né strembin...
við vorum fyrr en varð komin upp á Löðmund og við blöstu allir tindarnir ofan á honum...

Mjög skemmtileg leið og landslagið þannig að mann langar að skoða þessa leið aftur í sumarbúningnum...

Heilmikið landslag og margir tindar og bungur og afleiður...

Sjá Heklu fjærst... Rauðufossafjöll... Krakatind... ekki leiðinlegt að rifja upp göngurnar að baki síðustu mánuði....

Tindarnir á Löðmundi... við vorum búin að ákveða að við myndum ganga á þann hæsta í austurendanum...
og kannski einn á miðri leið en ekki hvaða nákvæmlega...

Svo við stefndum bara á þennan í miðjunni...

Dásamlegt að fara í svona tiltölulega stutta og létta dagsgöngu
þar sem við gátum bara notið og þurftum ekkert að spá í tímanum...

Við fórum vestan megin við tindinn...

... og komum upp á hann norðan megin...

Hæsti tindur Löðmunds sést hér fjær á myndinni ofan við göngumennina hægra megin...

Mergjað veður og skýjafarið eins og best var á kosið...

Við vorum himinlifandi því við vorum búin að sætta okkur við að fá ekki sól þennan dag
heldur skýjað veður og strekkingsvind miðað við veðurspána...

Tindarnir á Löðmundi hafa engin nöfn og eftir á var þessi ekki sá sem er mest áberandi úr fjarska í miðjunni heldur einn af þeim sem fellur í skuggann af þeim formfegurrri en engu að síður mjög skemmtilegt að ganga á hann...

Allt helfrosið... og þá komu keðjubroddarnir sér sérlega vel þar sem leiðin var ekki varasöm eða hættuleg...

Flott mæting í þessa göngu þó þjálfarar hefði viljað sjá fleiri nýta sér svona stutta og notalega dagsgöngu...

Hópmynd með hæsta tind Löðmundar í baksýn... við áttum eftir að ganga á báða þessa í fjarska...

Áfram var haldið að þeim hæsta... þetta var lygilega létt og löðurmannlegt þó vindurinn væri þéttur og ískaldur...

Hæsti tindurinn framundan...

Sjá færið... mjög gott þennan dag...

Æji, þetta var svo fallegt og maður tímir ekki að velja úr myndunum... við vorum ekki lengi að skjótast þarna yfir...

Þræddum okkur sunnan megin í hlíðinni...

Örn var ekki lengi að finna góða leið upp austan megin í brattanum sem varð talsverður þegar ofar dró...

... og við komum í humátt á eftir...

Hey, vinkiði ! Jóhanna Fríða komin upp með Erni :-)

Já, við komum...

Austan megin blasti Friðlandið allt við... vá hvað þetta var fallegt !

Bratt og þétt upp...

... en færið var gott þar sem þetta var fyrsti snjórinn á fjallinu
og ekki klaki eins og svona snjór endar alltaf í með þýðu og frosti til skiptis yfir veturinn...

Smalahundurinn gætti þess að allir skiluðu sér upp á tindinn...

Hálendið allt til norðurs... við sáum inn með Sprengisandi og að Hágöngum (út af mynd hér vinstra megin)...

Eskihlíðarvatn hér neðar... væri gaman að þræða sig meðfram því einn daginn...

... og inn að Torfajökli og veröld hans allri við Landmannalaugar og lengra í austur...

... og til suðurs og suðvesturs að Heklu og Tindfjallajökli og Eyjafjallajökli...

Löðmundarvatn og Friðlandið nær sunnan megin...

Það var ekki mikið pláss uppi.....

... og tindurinn sló skugga á landslagið til norðurs... Sprengisandur hér framundan...

Hópmynd á tindinum ekki möguleg nema svona... ljósmyndarinn á tindi sem rúmaði einn í einu og hinir fyrir neðan hann...

Guðmundur Jón, Súsanna, Guðmundur Víðir, Björn Matt., Kolbrún Ýr, Þóranna, Gunnar Már, Heiða, Herdís, Jóhanna Fríða, Sigþrúður
og Örn en Bára tók mynd og Batman var eini hundurinn í ferðinni...

Önnur með landslaginu með... :-)

Þetta landslag... hvílíkt útsýni í allar áttir !

Við pössuðum okkur að fara varlega niður... það hefði enginn stoppað sig ef hann hefði farið hér rúllandi af stað...

Við spáðum mikið í aðra leið niður... þó ekki væri nema í síðar ferð hér um að sumri til...
og okkur sýndist vel vera hægt að fara hér niður...
en það var spurning með klettabelti neðar þó þetta liti vel úr hér efst...

Litið yfir Löðmund á tindana alla... þeir hljóta að vera vel yfir tíu talsins...

Niðri var vindurinn ekki jafn mikill og við sem ætluðum bara að fara að snúa við...
ákváðum sem betur fer að skella okkur yfir á þennan tind hér sem rís rétt við þann hæsta...

Sigþrúður missti símann sinn meðan við stóðum þarna og Örn og Batman hlupu niður og náðu honum
en hundurinn stöðvaði hann þar sem hann rann...

Hópmynd líka hér þar sem landslagið er svo lygilegt og þjálfari vissi að hópmyndin af tindinum var ekki alveg nógu góð...
en þetta var áður en við fórum yfir á austasta tindinn þar sem besta hópmyndin náðist...

Jú, er það ekki... klukkan er ekkert... förum yfir á þennan síðast áður en við snúum við...
þjálfarar búnir að lofa stuttri og léttri tindferð og vildu standa við það...
en hann var of nálægt og of auðgenginn til annars en skella sér...

Og við vorum ekki lengi að koma okkur yfir...

Litið til baka á þann hæsta hægra megin... sjá hversu brattur hann er og erfitt að vera mörg þar uppi...

Uppi á þeim austasta blasti smátt og smátt landslag Friðlandsins að Fjallabaki við...

Hvílíkt útsýni...

Hæsti tindurinn og skugginn af austasta tindinum við hliðina... þessi ferð gaf margar töfrandi myndir...
hugsa sér töfrana sem við upplifðum á hverju einasta augnabliki sem ekki náðust á mynd...

Útsýnið ofan af tindinum til norðurs... aðeins öðruvísi en af þeim hæsta...
loðni hlutinn á þessari mynd eru belgvettlingarnir
þar sem það var meirar en að segja það að fara úr vettlingunum til að taka mynd...

Útsýnið til norðsausturs... Eskihlíðarvatnið..

Útsýnið til austsuðausturs... Lifrarfjallavatn hér...

Hvasst og kalt en útsýnið þvílíkt að við bara urðum að standa og njóta...

Enn ein hópmyndin að ósk þjálfara... :-)

Allir að njóta og spjalla og spá og spekúlera...
og máttu ekkert vera að því að stilla sér enn einu sinni upp fyrir hópmynd :-)

En... þetta var að koma... :-)

Jebb... það var þess virði... ógleymanlegur staður til að vera á þann 4. nóvember 2017... :-)

Löðmundarvatn hér neðar... við spáðum í að fara niður hérna megin og ganga meðfram vatninu til baka en þjálfari hélt að sú leið væri ófær sökum brattra hlíða Löðmundar niður í vatnið... en svo sáum við í lok dagsins að það var slóði meðfram vatninu og gps-slóðar staðfestu það... við verðum bara að hlaupa þessa leið næsta sumar... þjálfari er nefnilega alvarlega að spá í að hlaupa Hellismannaleið sumarið 2018... og þá geta þeir sem vilja gengið hann að hluta eða á tveimur eða þremur dögum ef þeir vilja...

Hæsti tindur Löðmundar... 1.091 m mæld hæð hjá okkur... er sagður vera 1.079 m...

Nú var snúið við og gengið eftir öllu fjallinu til vesturs til baka...

... í sæluvímu eins og svo oft áður með flotta tinda í farteskinu...

Litið til baka með austasta tindinn vinstra megin...

Við vorum rösk til baka...

... og spjallið sem gefst á þessum hluta göngunnar er ómetanlegt með öllu...
Gengum á þrjá ef þessum fjórum strítum hér... slepptum þessum númer tvö frá vinstri...

... og sáum eftir því að hafa ekki gengið á þennan hér lengst til vinstri...
en hann er svipmestur af tindunum sem eru fyrir miðjum Löðmundi þegar horft er á fjallíð úr fjarska...
við erum komin með ástæðu til að fara aftur á þetta fjall og þá að sumri takk fyrir til að sjá muninn :-)

Takk tindar Löðmundar fyrir sérlega gjöfult útsýni yfir Friðlandið að Fjallabaki í vetrarham...

Hundurinn Batman fann vel fyrir kuldanum þennan dag... ískaldur vindurinn úr norðri...
en hann er vel feldaður og þoldi þetta vel...

Stjórnarmyndunarviðræður standa yfir í íslenskum stjórnmálum og Vinstri græn ræða við vinstri væng frá miðju um mögulega ríkisstjórn... sumir vilja meina að æskilegast væri að Vinstri græn myndu semja við Sjálfstæðisflokk og Framsóknarflokk... en aðrir telja það fásinnu... okkur fannst þegar við röðuðum okkur upp í þessari göngu að þessi litasamsetning hefði forspárgildi um hvernig þessar umræður enduðu... og það varð úr... ríkisstjórn var mynduð 1. desember 2017 með Vinstri grænum vinstra megin... og Sjálfstæðisflokki hægra megin... og Framsókn í miðjunni... þetta var ótrúlega skondið :-)

Allt helfrosið... sjá stráin hér nær...

Fyrsti snjór vetrar er oft besta færið sem gefst...

Komin í vesturhluta fjallsins og nú ákváðum við að reyna að sjá hvort slóði væri greinanlegur niður þar...

Hann er vel greinanlegur á köflum...

... og leiðin mjög skemmtileg hérna megin upp úr gilinu...

Sjá slóðirnar mótaðar í landslaginu... kindagötur og mannastígar...

En við náðum að slóða okkur eftir réttri leið niður á vesturhlíðarnar...

Það þykknaði upp nánast um leið og við snerum við á Löðmundi og blái himininn hörfaði undan til norðvesturs...

Bratt en vel fært niður hér í mosanum og grasinu undir snjónum...

Eflaust mjög skemmtileg leið að sumri til líka...

Sjá skýjafarið... sólin var farin...

Við ætluðum alltaf að fá okkur aftur nesti... en það var aldrei skjól... og loksins þegar það gafst í neðsta gilinu...
þá var svo stutt í bílana að menn vildu bara klára og fá sér að borða þar...

Svo við stunsuðum í mat...

Og fengum okkur einn kaldan með matnum og fórum yfir daginn og nutum þess að vera komin niður vel fyrir myrkur...

...og hafa nægan tíma til að spá og vera til uppi á hálendinu eftir flotta göngu á fjall sem lengi hafði kallað á okkur...

Jóhanna Fríða keypti sér alvöru jeppa daginn fyrir þessa ferð...
og naut þess í botn vikurnar á eftir að geta farið hvert sem er á sínum fjallabíl..
ekki slæmt að vera með kvennajeppa í svona ferð... þessar Toppfarakonur eru sko alvöru :-)

Hún sýndi okkur einnig þessi ullarinnlegg... og við vildum öll fá okkur svona...
því á svona degi reyndi vel á þol fyrir kuldanum sem beit verulega í...
og við áttum eftir að panta svona eintak mörg okkar í klúbbnum fyrir tilstilli Jóhönnu Fríðu :-)

Keyrandi heim urðum við bara að taka eina mynd á leiðinni... þarna fórum við upp og nutum lífsins í byrjun nóvember...
vonandi náum við oftar að upplifa svona hálendisferð á þessum árstíma...

Sigþrúður, Heiða, Súsanna, Guðmundur Jón, Herdís, Gunnar Már, Þóranna, Örn, Kolbrún Ýr, Guðmundur Víðir, Jóhanna Fríða og Björn Matt
en Bára tók mynd og Batman var ólaður inni í bíl.

Aksturinn til baka gekk vel... orðið skýjað og þungbúnara og töfrarnir sem við upplifðum á fjallinu strax orðnir óraunverulegir
í vetrarríkinu sem sannarlega ríkti á þessum slóðum...

En sólin skein enn í vestri og þangað vorum við að fara á leið heim...

Mun bjartara og ekki eins harðneskjulegt neðar og vestar...

... og sólarlagið skreytti heimferðina alla leið í bæinn...

Við ætlum svo sannarlega að gera þetta oftar...
stefna á hálendið í nóvember ef færð og veður leyfir...

... meira svona... stuttar dagsgöngur sem gefa svona mikið eru vel þess virði að skella sér í...
keyra langt fyrir... og láta sig hafa það þó það sé vindur og kuldi í kortunum... hvílík ferð inn á hálendið ! :-)

Alls 8,1 km á 4:04 klst. upp í 1.091 m mælda hæð með alls hækkun upp á 883 m miðað við 613 m upphafshæð.

... upp og niður fjóra tinda en hefðum vel getað bætt öðrum fjórum við
þar sem af nægum tindum er að taka ofan á þessu einstaklega fagurkrýnda fjalli...
 

 

 

Við erum á toppnum... hvar ert þú?
www.toppfarar.is


Toppfarar ehf - Viðarrima 52 - 112 Reykjavík - Kt: 581007-2210 - Sími: +354-867-4000 / -899-8185 / -588-5277 - Netfang: bara(hjá)toppfarar.is
Copyright: Höfundarréttur: Bára Agnes Ketilsdóttir