Þrasaborgir
Lyngdalsheiði

Aukaæfingin í viku 48 var fertugasta Þingvallafjallið á árinu og eitt af nokkrum sem hafa bæst við á árinu við nánari skoðun á svæðinu en upphaflega voru þau 33 talsins í byrjun árins... Þrasaborgir á Lyngdalsheiði.. þær gerðu tilkall til þess að tilheyra lista Þingvallafjallanna og þjálfarar skelltu sé þarna upp daginn eftir Helgafellið í Hafnarfirði og sannfærðust um gildi þeirra á svæðinu enda fagurt útsýni ofan af klettaborgunum yfir allt Þingvallasvæðið...

Því miður náðu eingöngu fjórir að fara þarna upp þegar þetta er ritað... þjálfarar og Jóhanna Diðriks og Vilhjálmur... en við treystum því að nokkrir Þingvallafjallasafnarar til viðbótar nái þessu áður en árið er liðið... og munu meldingar þeirra bætast hér við eftir því sem þær berast...

Hér koma meldingarnar:

Jóhanna Diðriks og Vilhjálmur:

Þrasaborgir og Úlfljótsvatnsfjall voru sigruð í gær 221120 í ágætis veðri  með Vilhjálmi. Þingvallaáskorun. #fjallorkagegnveiru.

Þjálfarar:

Tímamæling skokkandi upp og niður Þrasaborgir á Lyngdalsheiði. Stórar og miklar þúfur alla leið. Eltum gps-slóð frá gönguskíðamanni af wikiloc sem leiddist fljótlega út á gamlan jeppaslóða sem skorist hefur ofan í jarðveginn eins og dæmigert er með svona slóða... og gefur eflaust góða gönguskíðaslóð að vetri til (slétt snjórenna) en er ekki góð til göngu svo við mælum með að fara bara beinustu leið upp heiðina upp í klettaborgina sem er efst. Mjög flott útsýni og merkilega mikið landslag uppi en þó nokkuð flatt og rétt svo að maður sjái móta fyrir leifum af gíg... eitthvað frelsandi við þessa leið... víðátta sem gefur orku... þessi leið er komin á þriðjudagsæfingalista Toppfara fyrir næsta eða þarnæsta ár... Alls 7,9 km á 1:16 klst. í logni, frosti og vetrarsól. Ætluðum könnunarleiðangur á Krossfjöll við Nesjavelli í leiðinni en náðum því ekki þar sem sólin var farin... dagurinn er ansi stuttur þessa dagana... ætlum að bjóða mönnum bara með okkur í göngu á Krossfjöllin í desember...

Vonandi bætast fleiri við hér áður en árið er liðið...