Óbyggðahlaup þrjú...
var um strendur og fjörur
Grafarvogs Geldinganess og Korpuárinnar
í krefjandi verarveðri en frábærum félagsskap

Mætingamet var í þessu þriðja óbyggðahlaupi þar sem loksins mættu einhverjir fleiri en þjálfarar og Björn Matthíasson
en allir meldaðir mættu við Geldinganesið sjálft á meðan þjálfarar hlupu frá Grafarvogslaug kl. 9:15 til að ná yrir 20 km leið...

Hlauið var frá laguinni niður að Grafarvoginum og hringleið á skógarstíg um hann að Gullinbrú þaðan sem farið ver niður með sjónum meðfram áburðarverksmiðjunni og tilvonandi kvikmyndaveri Baltasars Kormáks...

Góður slóði er alla leiðina og gamlir vegaslóðar liggja svo að Geldinganesinu sjálfu þar sem allir voru mættir fyrir klukkan tíu...

Sum sé 7,14 km frá Grafarvogslaug að Geldinganesi meðfram sjónum...

Kajakklúbburinn er með aaðstöðu sína í Geldinganesi, fjölda gáma og smíðaður palur og bekkir
en þessi aðstaða hefur byggst upp síðustu ár...
www.kayakklubburinn.is

Sarah Toppfari æfir með þeim og þjálfarar sem gjarna hlaupa sinn langa túr á laugardagsmorgnum meðfram sjónum hafa nokkrum sinnum horft á hópinn leggja út á sjó í alkls kyns veðrum og þessi dagur var engin undantekning.. þau fóru út þó það væri vindur, kuldi og úrkoma en leiðarval ræðst af veðri og vindum hverju sinni...

Þegar við komum fundum við hins vegar enga Söruh... og heldur ekki Jóhönnu Fríðu þó þær hefðu verið mættar...
og svo kom símhringing í þjálfara... þær voru læstar inni í einum gámnum sem geymir kajakinn hennar Söruh :-)

En við ætluðum ekki að sigla eins og Sarah... við lögðum af stað á slaginu tíu hringinn í kringum Geldinganesið...

Fórum suðaustan megin góðan slóða sem er vel troðinn af göngufólki beggja vegna ´frá upphafsstaðnum...

... en svo snúa flestir við og þá er bara að finna gömlu kindagöturnar sem ekki hafa náðst að mótast mikið yfir stórgrýtið sem liggur norðan megin... en hér er mesta slysahættan á að detta eða misstíga sig í stórgrýtinu...

Norðan megin er rjúkandi heit heitavatsnhola... og úr henni liggur slanga ofan í þetta ker... rjúkandi heitt... og ef maður tekur slönguna úr er vel hægt að fara í heita pottinn on njóta... en við vorum ekki alveg í þeim gírnum...

Héldum áfram til vesturs meðfram klettunum...

Töfrandi flott leið...

En fegursti hlut þessarar leiðar er klárlega þessi tangi í norðvestsur hlutanum... kallaður "hauskúpueyja" af fjölskyldu Péturs Þorleifssonar sem var með fyrstu mönnum í Reykjavík til að sjá sig skokkandi um alla borg og vera saman hvað öðrum fannst... hljóp stundum aftur á bak og er fyrirmynd allra sem vilja fara sínar eigin leiðir sama hvað almeningsálitið segir... en ástsæða nafnsins er sú að þau fjölskyldan hjóluðu stundum út á þetta nes hér áður fyrr og fundu bein af rollum og hesti...

Við þéttum hópinn regluelga enda ekki sami hraði á öllum... en það skipti nákvæmlega engu máli... það var einstakt að hlaupa þetta saman go spjalla og njóta... svona eiga óbygðahlaupin að vera... fara saman ævintýralega leið og styðja hvert við annað...

Karen Rut, Jóhanna Fríða, Sigríður Arna, Heiða, Örn og á mynd vantar Björn Matt og Báru sem tók mynd
og Batman sem skokkaði með himinlifandi að fleiri skyldu vilja njóta uppáhaldsstaðar síns...

Hver hluti Geldinganess á hefur sinn sjarma.. vesturhlutinn er frerkar brattur og slóðinn liggur vel utan í brúninni á köflum...

Suðurhlíðin er saklaustari og meira aflíðandi niður að sjó og þar verður slóðinn aftur vel troðinn af göngufólki
sem kemur frá eiðinu þar sem upphafsstaðurinn er...

Sunnan megin liggur þetta flak sem á sína sögu...
http://emilpall.123.is/blog/2012/06/03/616469/

Hópmynd af þessum snillingum sem mættur og höfðu vit á að njóta þessarar leiðar þrrátt fyrir krefjandi veður...
Björn matt., Heiða /fyrrum Toppfari og Hádegisskokari), Sigríður Arna, Örn, Karen Rut og Jóhanna Fríða
en Bára tók mynd og Batman nennti ekki að sitja fyrir enn einu sinni :-)

Síðasti kaflinn um eiðið til baka í bílana... hver á sínum hraða og allir að njóta...

Alls 7,4 km á 1:36 með öllum stoppum skv. gps-úrinu hennar Heiðu...

Við skoðuðum þetta á korti...

... sem kajakklúbburinn hefur hengt upp á gámana sína
og er frábært að skoða til að sjá líka leiðirnar þeirra...

Allir himinlifangi eftir hreyfingu dagsins... samviskan í lagi og komið hádegi...
þá er gott að fara inn í helgina sáttur við dagsverkið...

Já, snillilngar og frábær mæting... vonandi er þetta komið til að vera í vor og sumar og svo næsta haust og næsta vetur... þetta er geggjað gaman !

Þjálfarar héldu áfram eftir að hafa kvatt alla eftir Geldinganesið og hlupu meðfram sjónum og Grafarvogshverfinu
framhjá golfvellinum og að ánni Korpu við landmörkin að Mosfellsbæ en á leiðini var þetta fróðleiksskilti
um lífríkið í fjörunni sem er óskaplega falleg eftir allri sjávarsíðunni...

Leiðin lá meðfram ánni Korpu frá ósum hennar við sjóinn og upp með hverfinu...

... framhjá Korpúlfsstöðum og golfvellinum... og alla leið í Grafarvogslaug aftur...

Alls 24,1 km á 2:49 klst.... ekki að marka hvorugt úrið þar sem Bára gleymdi að kveikja á því nokkrum sinnum og slökkva í stoppum... og Örn fór aukakrók að ná í vettlinga fyrir Báru í upphafi hlaupsins...

Frábært þriðja óbyggðahlaup og vonandi er mætingin komin til að vera... við gegum þetta ekki eftir , þetta er einfaldlega það be sta sem hægt er að gera við laugardagsmorgun ef tími gefst til !

Næsta óbygggahlaup verður frá Ásvallalaug í Hafnarfirði að Kaldárseli
um Ástjörn, Ásfjall, Vatnshlíð, Hvaleyrarvatn, Stórhöfða og hraunbreiðurnar að baksviði Kaldársels...

Sjá viðburð hér:
https://www.facebook.com/events/422826064735351/